Apellyasiya Məhkəməsi jurnalist Mustafa Hacıbəylinin barəsində hökmü qüvvədə saxlayıb
Bakı/25.04.19/Turan: Bu gün Bakı Apellyasiya Məhkəməsində Vaqif Mursaqulovun sədrliyilə bastainfo.com saytının baş redaktoru Mustafa Hacıbəylinin şikayətinə baxılıb.
Xatırladaq ki, bu il fevralın 23-də Bakı Ağır Cinayətlər Məhkəməsi onu 309 (vəzifə səlahiyyətlərini aşma) və 281-ci (dövlət əleyhinə çağırışlar) maddələr ilə təqsirli bilərək 2 il sınaq müddəti olmaqla 5,5 il müddətinə azadlıqdan məhrum edib.
"Biz vəkil Osman Kazımov ilə birlikdə Apellyasiya Məhkəməsindən xahiş etdik ki, bəraətverici qərar çıxarsın. Biz sübut etdik ki, hökm qanunsuzdur və sifarişli olub. Ancaq dövlət ittihamçısı Müstəcəb Əliyev hökmün qüvvədə qalmasına tərəfdar olub və şikayəti təmin etməyib", - M.Hacıbəyli Turan-a bildirib.
Onun sözlərinə görə, müdafiə tərəfi Ali Məhkəməyə kassasiya şikayəti verəcək və hökm ləğv edilməsə Avropa İnsan Hüquqları Məhkəməsinə müraciət olunacaq.
* 2018-ci il iyulun 9-da Baş Prokurorluq Gəncənin icra başçısı Elmar Vəliyevə sui-qəsd və Mingəçevirdə elektrik enerjisinin kəsilməsi nəticəsində bütün ölkənin işıqsız qalması barədə İnternetdə yayılan "yalan məlumatlar" və "qanunsuz çağırışlar"la bağlı cinayət işi qaldırıb. Bundan sonra prokurorluq "bastainfo.com", "criminalaz.com", "topxeber.az" və "fia.az" saytlarının bağlanması barədə Rabitə Nazirliyinə müraciət edib.
Öncə M.Hacıbəyli şahid kimi keçib. Lakin noyabrın 30-da o, müttəhim statusuna keçirilib. Ona qarşı CM-in 281.2 (dövlət əleyhinə yönələn çağırışlar), 309.2 (vəzifə səlahiyyətlərini aşma) 313 (vəzifə saxtakarlığı) maddələri ilə ittiham irəli sürülüb.
Redaktorun barəsində polisin nəzarətinə verilmə qətimkan tədbiri seçilib. O, bütün ittihamları rədd edib.
ATƏT-in KİV azadlığı üzrə nümayəndəsi Arlem Dezir, "Sərhədsiz reportyorlar" təşkilatı və digər beynəlxaq qurumlar jurnalistin barəsində hökmü pisləyiblər. -06C--
-
- Cəmiyyət
- 25 Aprel 2019 18:20
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz