AİHM 2008-ci ilin martında Yerevanda nümayişin dağıdılmasının qanunsuz olduğunu tanıyıb

Bakı/25.04.19/Turan: Avropa İnsan Hüquqları Məhkəməsi (AİHM) 2008-ci il martın 1-də Ermənistanda prezident seçkilərinin saxtalaşdırılmasına etiraz olaraq keçirilmiş mitinqin dağıdılması ilə bağlı hakimiyyətin hərəkəti barədə Ermənistanın keçmiş prezidenti Levon Ter-Petrosyanın şikayətini təmin edib.

AİHM 2008-ci ilin martında Yerevanda Ermənistanın keçmiş prezidenti Levon Ter-Petrosyanın tərəfdarlarının dinc nümayiş keçirməsini tanıyıb. Nümayişin dağıdılması zamanı 10 nəfər həlak olub, 250 nəfər yaralanıb. Bu barədə cümə axşamı keçmiş prezidentin vəkili Vaqe Qriqoryan bildirib.

AİHM müəyyən edib ki, mitinqin dağıdılması və güc tətbiqinin ciddi əsası olmayıb.

Nəticədə dinc mitinq keçirmək azadlığı hüququ pozulub, Qriqoryan Facebook-da bildirib .

Ter-Petrosyan 2008-ci ilin avqustunda pozuntularla, əsasən siyasi baxışlar əsasında dinc toplaşma hüququnun pozulması ilə bağlı AİHM-ə müraciət göndərib.

2018-ci ilin yazında Ermənistanda hakimiyyət dəyişikliyindən sonra 2008-ci ilin həmin hadisələri üzrə cinayət işi açılıb. O zaman respublikanın keçmiş prezidenti Robert Köçəryan prezident postunu tərk edib və səlahiyyətlərini seçkilərdə qalib elan edilmiş Serj Sarqsyana verib. Səsvermənin nəticələri ilə razılaşmayan prezidentliyə namizəd Ter-Petrosyanın tərəfdarları etiraz aksiyasə təşkil ediblər. 2008-ci il martın 1-də Ermənistan hakimiyyəti çoxminlik aksiyanın iştirakçılarıı dağıdıb. 10 nəfər həlak olub, 250-dən çox adam yaralanıb.

Ermənistanın xüsusi istintaq xidməti 2008-ci il mart hadisələri ilə bağlı qaldırılmış cinayət işinin ilkin təhqiqatını başa çatdırıb. Eks-prezident, hazırda həbsdə olan R.Köçəryana qarşı ölkənin konstitusiya quruluşunun devrilməsinə cəhd ittihamı irəli sürülüb. 06D--

Rəy yaz

Dünyada

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti