Açiq mənbələrdən foto.
Bakı/22.06.21/Turan: Bu gün Bakı Apellyasiya Məhkəməsi Azərbaycan Xalq Cəbhəsi Partiyasının fəalı Səid Məmmədzadənin (Bakuvi) azad edilməsi barədə qərar qəbul edib.
Hakim Faiq Qəniyev real müddəti şərti cəza ilə əvəz edib.
Bu il aprelin 28-də hakim İbrahim İbrahimlinin sədrliyilə Xətai məhkəməsi Məmmədzadənin (Bakuvi) 3 il və 6 ay müddətinə azadlıqdan məhrum edilməsi barədə hökm çıxarıb. O, Azərbaycan Cinayət Məcəlləsinin 221.3-cü (silah kimi istifadə olunan predmetin tətbiqi ilə xuliqanlıq) maddəsi üzrə təqsirli bilinib.
Məmmədzadə özü bildirib ki, onu yüksək vəzifəli rəsmi şəxsləri kəskin tənqid etdiyinə görə cəzalandırırlar.
Azərbaycan Xalq Cəbhəsi Partiyasının sədri Əli Kərimli isə qeyd edib ki, dəfələrlə yarışlarda Azərbaycanın şərəfini qorumuş idmançı Bakuvinin həbsi siyasi sifarişdir.
Səid Məmmədzadə qarışıq döyüş növləri üzrə Avropa çempionudur.
Bu gün Apellyasiya Məhkəməsi 3,5 il həbs müddəti 2 il sınaq müddəti olmaqla eyni müddətə şərti cəza ilə əvəzləyib.-16D06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz