Bu gün Bakı Apellyasiya Məhkəməsi Azərbaycan Xalq Cəbhəsi Partiyası (AXCP) Rəyasət Heyətinin üzvü, Qarabağ müharibəsi əlili Asif Yusiflinin şikayətini təmin etməyərək onu həbsdə saxlayıb.
A.Yusifli 2014-cü il noyabrın 25-də dələduzluq və sənədlərin saxtalaşdırılması ittihamları ilə həbs edilib.
Bu ilin mayında Ali Məhkəmə ərizəçiyə dəyən ziyanın ödənilməsini, A.Yusiflinin Qarabağ müharibəsi iştirakçısı və azyaşlı xəstə uşaqların olmasını nəzərə alaraq onun cəza müddətini 6 ilədək azaldıb.
Lakin 2016-cı il iyunun 1-dən ölkədə CM-ə düzəlişlər qüvvəyə minib. A.Yusiflinin təqsirli bilindiyi “külli miqdarda ziyan” “böyük miqdarda ziyan”a tövsif edilib.
Odur ki, müdafiə tərəfi Nizami Rayon Məhkəməsinə müraciət edərək A.Yusiflinin barəsində Cinayət Məcəlləsinin 178.3.2 (külli miqdarda dələduzluq) maddəsinin 178.2-ə tövsif olunmasını xahiş edib. Məhkəmə ittihamı tövsif etsə də cəza müddətini dəyişməz saxlayıb.
“Bu, cəzanı yüngülləşdirən Ali Məhkəmənin qərarına ziddir. A.Yusiflinin sözügedən məbləği ödəməsinə, zərərçəkənin ona qarşı iddiasının olmamasına və azyaşlı uşaqlarının olmasına baxmayaraq, Nizami məhkəməsi cəzanı yumşaltmayıb. Bu gün Bakı Apellyasiya Məhkəməsi isə bu qərarı qüvvədə saxlayıb. Biz yenidən Ali Məhkəməyə şikayət edəcəyik”, - vəkil Fəxrəddin Mehdiyev Turan-a bildirib.
O əlavə edib ki, əslində A.Yusifli cinayət əməli törətməyib, sadəcə, vətəndaş Zülfüqarovanın oğlunun Ukraynada təhsil alması üçün Təhsil Nazirliyinin keçmiş əməkdaşına pul verməsində vasitəçi olub. Şəxsən A.Yusiflinin bu sövdələşmədə heç bir tamah məqsədi olmayıb. Ancaq bununla belə, qadına dəyən zərəri ödəyib.
A.Yusifli cinayət işini siyasi motivli hesab edir. Yerli hüquq müdafiəçiləri onu siyasi məhbus sayırlar.—03B06--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz