Bakı/28.03.20/Turan: Martın 27-də Gəncə Apellyasiya Məhkəməsi 10 gün əvvəl həbs edilmiş REAL fəalı Ərəstun Baxşəliyevi sərbəst buraxıb.
Vəkil Cavad Cavadov bildirib ki, Apellyasiya Məhkəməsi Bərdə Rayon Məhkəməsinin Ə.Baxşəliyevin “polisə tabe olmamaq” ittihamı ilə həbs olunması barədə qərarını ləğv edib.
Apellyasiya instansiyası hökmü üçsutkalıq həbs ilə əvəzləyib və bu müddətin bitdiyini nəzərə alaraq müxalifətçini azad edib.
Bundan öncə REAL Partiyası Ə.Baxşəliyevin həbsini sosial şəbəkələrdə fəallığına görə cəza kimi qiymətləndirmişdi.
Ə.Baxşəliyev REAL Partiyası Yasamal rayon təşkilatının rəhbəridir. 9 fevral parlament seçkilərində 93 saylı Bərdə şəhər dairəsindən deputatlığa namizəd olub. Bu dairədə hakim Yeni Azərbaycan Partiyasının namizədi Fatma Yıldırım qalib elan edilib. -06D--
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz