Apellyasiya Məhkəməsi saytların bloklanması işi üzrə şikayəti təmin etməyib
Bakı/19.12.17/Turan: Bu gün Bakı Apellyasiya Məhkəməsində Azərbaycan hökumətini tənqid edən bəzi saytların bloklanması ilə bağlı şikayət üzrə iclas keçirilib. İclasa Abidin Hüseynov sədrlik edib.
Xatırladaq ki, bu il martın 27-də Rabitə Nazirliyinin Elektron Təhlükəsizlik Mərkəzi bir neçə müxalifətyönlü İnternet-resursa girişi bloklayıb: azadliq.info ("Azadlıq" qəzeti), azadliq.org ("Azadlıq" radiosu), azerbaycansaati.com, meydan.tv, həmçinin "Azərbaycan saatı" və Turan TV videokanalları.
Nazirlik məhkəməyə müraciət edərək həmin saytları "cəmiyyətin və dövlətin qanuni maraqlarını pozmaqda", əsasən dini radikalizmə və digər qanunsuz əməllərə çağırışlarda ittiham edib.
Saytların nümayəndələri ittihamları qəbul etməyiblər. Onlar bildiriblər ki, Rabitə Nazirliyinin qərarı Avropa İnsan Hüquqları Konvensiyasına, Türkiyədə saytların bloklanması ilə bağlı Strasburq məhkəməsinin qərarına, həmçinin Avropa Şurası Nazirlər Komitəsinin 2016-cı il qətnaməsinə ziddir. Belə ki, məhdudiyyət ancaq konkret informasiyaya qoyula bilr.
Bununla belə, mayın 12-də Səbayel Rayon Məhkəməsi Rabitə Nazirliyinin Elektron Təhlükəsizlik Mərkəzinin iddiasını təmin edib. Cavabdehlər apellyasiya veriblər.
Bugünkü iclas zamanı saytların nümayəndələri hər hansı ayrıca informasiyaya görə saytların bloklanmasının əsassız olduğunu bir daha qeyd ediblər.
Bundan əlavə, saytların hansı müddətə bloklanması ilə bağlı açıqlama verilməsi tələb olunub. Ancaq tələb yerinə yetirilməyib.
Sonda şikayət təmin edilməyib.
Saytların nümayəndələri Ali Məhkəməyə kassasiya şikayəti verəcəklərini bildiriblər.-06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz