«ASAN» xidmət Nigar Yaqublu və Seymur Həzinin nikahına əngəl törədir (YENİLƏNİB-VİDEO)
“ASAN” xidmət əməkdaşları Nigar Yaqublu və Seymur Həzinin nikahına əngəl yaradırlar. Bu barədə Turan-a Müsavat Partiyası sədrinin müavini, hüquqşünas Elman Fəttah bildirib. Onun sözlərinə görə, Bakıxanov qəsəbəsində “ASAN” xidmət nəzdində VVAQ şöbəsinin məmuru 17 saylı koloniyaya getməkdən imtina edir və bunu ofisdə tək olması, iş yerini buraxıb gedə bilməməsi ilə izah edir. Halbuki, bütün prosedur qanuna əsasən nəzərdə tutulub və gənclər bir ay öncədən ərizə veriblər.
Sonradan məmur bildirib ki, Ədliyyə Nazirliyi avqustun 1-dən nikah bağlanması üzrə səyyar xidməti dayandırıb. –06в--
2016 Avqust 01 (Bazar ertəsi) 12:42:26
Bu gün 17 saylı koloniyada “vicdan məhbusu”, jurnalist Seymur Həzi və Müsavat Partiyasının fəalı Nigar Yaqublunun nikah mərasimi olub.
N.Yaqiblu özü də siyasi məhbus həyatını yaşayıb. O, keçmiş siyasi məhbus, Müsavat Partiyası sədrinin müavini Tofiq Yaqublunun qızıdır.
O, Turan-ın müxbiri ilə söhbətində bildirib ki, koloniyada mərrasimdə Nigar öz qardaşı, həmçinin bəyin iki qohumu ilə birlikdə iştirak edə bilər.
Mərasim saat 12:00-da olub.
Gənclərin siyasi mübarizə yoldaşları və dostları koloniyanın qarşısına toplaşıblar.
S.Həzi uydurma xuliqanlıq ittihamı ilə 5 il müddətinə azadlıqdan məhrum edilib.–06D-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz