Bakı/31.07.19/Turan: "Azərbaycan Siyasi Məhbuslara Azadlıq" İttifaqı (ASMAİ) siyasi motivlərlə həbs edilən şəxslərin yeni siyahısını dərc edib. Siyahıda 117 nəfərin adı var, onlar 8 qrupa təsnif edilib.
"Jurnalistlər və blogerlər" qrupunda 6 nəfər var. Bu qrupdan azadlığa çıxan jurnalist Seymur Həzinin adı çıxarılıb.
"Hüquq müdafiəçiləri" qrupunda bir nəfər - Əliabbas Rüstəmov qalıb.
"Müxalif partiya və hərəkatların üzvləri" siyahısında 6 nəfər var. Bu siyahıdan Müsavat Partiyasının fəalı Azad Həsənov çıxıb.
"MTN-dəki cinayətlərin qurbanları" kateqoriyasında 3 nəfər var - bu, "Səid Dadaşbəylinin qrupu" işi üzrə həbs edilənlərdir.
Avropada yaşayan bacısının həyat yoldaşı Türkel Azərtürkün müxalif jurnalist fəaliyyətinə görə həbs edilmiş Emin Sagiyev "siyasi girov" kimi tanınıb.
Ən çox ad "Dindarlar" qrupundadır - 55 nəfər.
Gəncə işi ilə bağlı siyası məhbusların sayı artıb. 2019-cu ilin iyulunda tərtib edilmiş əvvəlki siyahıda 18 nəfər var idisə, hazırda bu qrupda 31 nəfər var.
"Ömürlük məhbuslar" qrupunda 14 nəfər qalıb.
* ASMAİ 2018-ci ilin sonlarında Sülh və Demokratiya İnstitutunun direktoru Leyla Yunus, Siyasi Məhbusların Monitorinqi Mərkəzinin rəhbəri Elşən Həsənov, hüquq müdafiəçisi Hilal Məmmədov və Azərbaycan Ziyalılar Şurasının sədri Eldəniz Quliyev tərəfindən yaradılıb. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz