Bakı/26.08.17/Turan: Şənbə günü Avropa Şurası Parlament Assambleyasının (AŞPA) KİV azadlığı və təhlükəsizliyi üzrə baş məruzəçisi Vladimir Aryev (Ukrayna) Turan agentliyinin direktoru Mehman Əliyevin həbsilə bağlı narahatlığını bildirib.
"Mən Azərbaycan hakimiyyətini Mehman Əliyevi dərhal azad etməyə və bu işin araşdırılması üçün Cinayət Məcəlləsindən istifadə olunmasından çəkinməyə çağırıram. Turan əvvəllər də analoji hal ilə üzləşib və aparılan yoxlama göstərib ki, agentlik öz vergi öhdəliklərinə əməl edir. Azərbaycan hakimiyyəti ölkədə mətbuat azadlığına təsir göstərə biləcək istənilən hərəkətdən qaçmalıdır", - Aryev bildirib.
KİV azadlığı üzrə bir çox təşkilat Turan-ı Azərbaycanda son müstəqil KİV kimi tanıyır. Agentlik vergi ödəməkdən yayınma barədə fikirləri inkar edir və bu çəkişmənin həmin mediada ifadə azadlığının məhdudlaşdırılmasına yönələn hökumət kampaniyasının tərkib hissəsi olduğunu ehtimal edir.
Jurnalistikanın müdafiəsi və jurnalistlərin təhlükəsizliyinə yardım üçün bu hadisə Avropa Şurası Platformasının nəzarətindədir.-0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz