Aşura günündə qanvermə kampaniyaları təşkil ediləcək

İyulun 16-da Aşura günündə Qafqaz Müsəlmanları İdarəsinin təşəbbüsü ilə ənənəvi qanvermə aksiyalarının keçiriləcəyi məkanların ünvanları açıqlanıb.

Qafqaz Müsəlmanları İdarəsinin məlumatına görə, Bakı şəhərində qanvermə kampaniyaları Yasamal rayonunda "Təzə pir" məscidində, Nasimi rayonunda Əjdərbəy məscidində, Səbail rayonunda Bibiheybət məscid ziyarətgahında, Xəzər rayonunda Mir Mövsüm Ağa ziyarətgah kompleksində, Nizami rayonunda Sahib-Əz-Zaman və Keşlə qəsəbəsindəki Şah Abbas məscidlərində, Suraxanı rayonunda  "Qaraçuxur" məscidində, Binəqədi rayonunda İmam Əli məscidində olacaq.    

Regionlar üzrə isə Gəncə şəhərində "İmamzadə" məscid ziyarətgah kompleksində, Sumqayıt  "Cümə" məscidində, Lənkəranda "Böyük bazar" məscidində, Masallı "Cümə" məscidində, Mingəçevirdə Heydər məscidində, Şəkidə İmam Əli məscidində, Şirvan şəhər məscidində, Bərdə "İmamzadə" ziyarətgah məscidində, Qubada "Ərdəbil" məscidində, Göyçayda Əbülfəzlil Abbas məscidində, Xaçmaz  məscidində,  Salyanda Hacı Tağı məscidində qanvermə kampaniyarı təşkil ediləcək.