Açiq mənbələrdən foto.
Bakı/11.08.21/Turan: Daxili İşlər Nazirliyi Xaçmaz rayonunun Nabran kurort qəsəbəsində yerləşən "Atlant" İstirahət Mərkəzində karantin rejiminin pozulması faktı üzrə cinayət işinə başlayıb.
Daxili İşlər Nazirliyinin mətbuat xidmətinin məlumatına görə, obyektin yoxlanması zamanı epidemiya əleyhinə karantin rejiminin kobud şəkildə pozulması aşkarlanıb.
Polis əməkdaşlarının həyata keçirdikləri tədbirlər nəticəsində mərkəzin rəhbəri Tahir Qadaşov, onun qohumu Azər Qadaşov, həmçinin karantin qaydalarının pozulmasına şərait yaradan heyət saxlanılıb.
Faktla bağlı Cinayət Məcəlləsinin 139-1.1-ci maddəsi (epidemiya əleyhinə, sanitariya-gigiyena və ya karantin rejimlərinin pozulması) ilə cinayət işi başlanıb.
Məhkəmənin qərarı ilə Mərkəzin rəhbərlərindən biri Azər Qadaşovun barəsində həbs qətimkan tədbiri seçilib.
Saxlanılan digər şəxslər inzibati məsuliyyətə cəlb edilib, onlara pul cərimələri tətbiq edilib.—06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz