“Azercell Telekom”un dəstəyi ilə portalın texniki və funksional imkanları genişləndirilib
“Azercell Telekom”un korporativ sosial məsuliyyət strategiyası çərçivəsində “Birgə və Sağlam” İctimai Birliyi ilə əməkdaşlıqda həyata keçirdiyi “Onlayn Autizm Portalının İnkişaf Etdirilməsi” layihəsinin yekun nəticələrinin təqdimatı keçirilib.
“Azercell”in dəstəyilə autizmportali.az platformasının dizayn tərtibatı və texniki imkanları müasir standartlara uyğunlaşdırılıb: portal əsaslı surətdə təkmilləşdirilib, məzmunu və tədris bazası zənginləşdirilib, istifadəçilərin məlumatlara rahat çıxışını təmin etmək üçün platformanın funksional imkanları artırılıb. Portalın dinamikləşdirilməsi məzmunların çevik şəkildə yenilənməsinə, “canlı çat” funksiyası isə istifadəçilərə autizm, həmçinin bu sahədə keçirilən reabilitasiya proqramları və mərkəzin digər sosial xidmətləriylə bağlı operativ məlumat almağa imkan verir.
Layihənin nəticəsi olaraq platformada autizm haqqında maarifləndirmə işlərinin miqyası əsaslı şəkildə genişlənib. Belə ki, “Azercell”in dəstəyilə Türkiyənin Tohum Otizm Vakfının Azərbaycan dilinə tərcümə olunmuş 10 cilddən ibarət kitabı, həmçinin autizmin bir sıra aspektlərini əhatə edən məlumatlar toplusu portala yerləşdirilib. Bundan başqa, saytda valideynlərin autizm haqqında dəqiq və etibarlı məlumatlarla təmin olunması məqsədilə həkim-mütəxəssislərin iştirakı ilə video formatda maarifləndirmə çarxları da yer alacaq.
Tədbir uşaqların təqdimat münasibətilə hazırladıqları musiqi proqramı ilə yekunlaşıb.
“Azercell” korporativ sosial məsuliyyət strategiyası çərçivəsində müasir texnoloji həllər vasitəsilə cəmiyyətin sosial inkişafı, eləcə də ayrı-ayrı sosial qrupların rifahının yüksəldilməsi istiqamətində mütəmadi olaraq tədbirlər görür. ®
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz