Bu gün Bakıda Şixov çimərliyi ərazisində Azərbaycan HHQ-yə məxsus Mİ-17 hərbi-nəqliyyat helikopterinin qəzaya uğradığı yerdə axtarış işləri davam edir.
Saat 15-ə helikopter dənizin dibindən çıxarılıb. Üç ekipaş üzvündən birinin – baş leytenant Rüstəm Rüstəmovun meyidi tapılıb.
HHQ və FHN helikopterləri dəniz üzərində patrul çəkir və kapitan Yaşar Əhmədovun və leytenant Bəhruz Zeynalovun meyitlərini axtarır. Axtarış işlərinə 6 gəmi cəlb edilib.
FHN-in məlumatına görə, helikopter sahildən 300 metr məsafədə dənizə düşüb.
Hadisənin şahidi Məhəmməd Haqverdiyev (“Sahil” istirahət mərkəzinin mühafizəçisi) Turan-ın müxbiri ilə söhbətində bildirib ki, güclü duman var idi, helikopter aşağıdan uçurdu və qəfildən daş kimi suya düşdü. Şahidin sözlərinə görə, qəzadan əvvəl bəzi KİV-lərin yazdığı kimi partlayış olmayıb.
Qeyd edək ki, burada dənizin dərinliyi 3-4 metrdən çox deyil. -03C016-
Bu gün Müdafiə Nazirliyinə məxsus helikopterin qəzaya uğraması nəticəsində kapitan Yaşar Əhmədov, baş leytenant Rüstəm Rüstəmov və leytenant Bəhruz Zeynalov həlak olub, xəbəri nazirliyin mətbuat xidməti yayıb.
Saat 14-ə qədər Rüstəm Rüstəmovun meyidi dənizdən çıxarılıb. Digər ekipaj üzvlərinin axtarışı davam etdirilir.
Müdafiə Nazirliyi həlak olanların ailələrinə başsağlığı verir.
Xatırladaq ki, qəza saat 10.30-da Bakı yaxınlığında Şıxov çimərliyi ərazisində baş verib. Mİ-17 helikopteri sahildən 300 metr məsafədə dənizə düşüb. Qəzanın səbəbi məlum deyil. -02D-
Mİ-17 vertolyotunun qəzaya uğraması nəticəsində üç nəfər həlak olub
Bazar ertəsi səhər saat 11:00-a yaxın Şıx ərazisində Müdafiə Nazirliyinin Mİ-17 vertolyotu qəzaya uğrayaraq dənizə düşüb. Nəticədə ekipajın üç üzvü həlak olub. Hərbi mənbələrdən Turan-a məluma olub ki, vertolyot Qala hərbi aerodromumdan qaxaraq Kürdəmirə uçurmuş. Qəzanın səbəbləri məlum deyil. Həlak olanların cəsədlərinin çıxarılması üçün iş aparılır. Ekipaj üzvlərindən birinin cəsədi tapılıb.
Müdafiə Nazirliyinin mətbuat vertolyotun qəzaya uğraması xəbərini təsdiqləyib, lakin qəzanın səbəblərini açıqlamayıb.
Xilasetmə işləri FHN qüvvələri tərəfindən aparılır. Həmçinin FHN hələlik rəsmi məlumat vermir.-06B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz