Avropa İttifaqının media-layihəsi qaliblərinin sırasında azərbaycanlı jurnalistlər də var
Fevralın 3-4-də Brüsseldə Avropa İttifaqının üçillik media-layihəsinə yekun vurulub və qaliblər mükafatlandırılıb. “Qonşuluq mediası” adlı layihə 15 ölkəni və Yaxın Şərq, Şimali Afrika, həmçinin “Şərq tərəfdaşlığı” ölkələrindən (Ukrayna, Belarus, Moldova, Azərbaycan, Gürcüstan, Ermənistan) 1400-dək KİV işçisini əhatə edib.
Proqramın mahiyyəti hər ölkədən KİV üzrə mentorların seçimindən ibarətdir ki, sonra onlar da nisbətən gənc və aztəcrübəli jurnalistlərə yardım və dəstək göstərsinlər.
Proqramda iki əsas məqsəd olub: jurnalistlərin peşə səviyyəsini artırmaq və Avropa İttifaqının fəaliyyəti və prioritetləri, həmçinin “Şərq tərəfdaşlığı” proqramı barədə ictimaiyyəti məlumatlandırmaq.
Jurnalist işləri müsabiqəsinin qalibləri öz məqalə, video və audioreportajlarını Münsiflər Heyətinə təqdim ediblər. Layihə rəhbərləri 8 nominasiya üzrə iki ən yaxşı işi seçiblər.
Qaliblər arasında Azərbaycandan iki nümayəndə- Turan agentliyinin müxbiri Əziz Kərimov və 1news agentliyinin müxbiri Yelena Vəliyeva da var.
Layihənin rəhbəri Jan Mişel Düfren mükafatları təqdim edərkən bildirib ki, layihənin əsas məqsədlərindən biri jurnalist şəbəkəsinin yaradılması olub. Mühüm olan odur ki, jurnalistlər lazımi əlaqələrə malik olsunlar, informasiya mübadiləsi aparsınlar, beynəlxalq mövzularda materilların hazırlanması zamanı bir-birinə yardım etsinlər. -02D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz