Avropa Məhkəməsi 25 şikayəti araşdırmağa başlayıb
Bakı/09.07.18/Turan: Avropa İnsan Haqları Məhkəməsi (AİHM) 25 Azərbaycan vətəndaşının şikayətini araşdırmağa başlayıb.
Bu haqda AİHM-in məlumatında bildirilir.
Şikayətçilər AİHM-ə müraciətlərdində ədalətli məhkəmə araşdırması, ləyaqətli rəftar və mülkiyyət hüquqlarının pozulduğunu iddia ediblər.
AİHM-in araşdırdığı şikayətlərdən biri son zamanlaradək Müsavat Partiyasının rəhbərlərindən olmuş Yadigar Sadıqovun vəkillərinin müraciəti ilə bağlıdır. 2014-cü ildə 4 il müddətinə azadlıqdan məhrum edilmiş siyasətçinin vəkilləri onun məhkəmə zalında metal qəfəsdə tutulmasını mübahisələndiriblər. AİHM-in məlumatına görə, vəkillər bunu ləyaqəti alçaldan rəftar (Avropa Konvensiyasının 3-cü maddəsi) hesab edirlər.
Yadigar Sadıqov 2013-cü ilin iyununda həbs olunmuş, 2014-cü ilin əvvəlində isə Lənkəran Rayon Məhkəməsinin hökmü ilə 6 il müddətinə azadlıqdan məhrum edilmişdi. Xuliqanlıqda təqsirli bilinmiş Y.Sadıqovu daha sonra prezident əfv etmişdi.
AİHM-in araşdırdığı digər şikayət Bakı sakini Elnur Qədirovun müraciəti ilə bağlıdır. O, AİHM-ə şikayətində ölkə məhkəmələrinin onun Avropa Konvensiyasının 6-cı maddəsi ilə (Ədalətli məhkəmə araşdırması hüququ) təminat altına alınan hüquqlarını pozduğunu iddia edib. Həmin şikayətin detalları haqda bilgi verilmir.
Başqa bir Azərbaycan vətəndaşı Tahir Kazımov isə AİHM-ə şikaytində iddia edib ki, yerli məhkəmələr onun mülkiyyət və ədalətli məhkəmə araşdırması hüququnu pozublar. Həmin şikayətin də detalları açıqlanmır.
AİHM-in həmçinin Ermənistanla müharibə kontekstində öz yaşayış yerlərini itirmiş 22 məcburi köçkünün şikayətini araşdırmağa başlayıb. Şikayətçilər Ramiz Məmmədov, Fuad Abdulov, Səməd Abdulov, İbrahim Əliyev, Fatma Əliyeva, Bayram Əzizov, Kifayat Əzizova, Xəliq Baxışov, Allahverdi Dolxanov, Giyas Quliyev, Zaur Quliyev, Rahilə Hadiyeva, Ənvər Həsənov, Elşad Hümbətov, Kamil Hüseynov, Talış Hüseynov, Knyaz Mahmudov, Əhliyyət Məmmədov, Elnur Məmmədov, Şakir Muradov, Əmir Namazəliyev və Vüqar Namazəliyevdir.
Məcburi köçkünlər şikayətlərində bildiriblər ki, Ermənistan Silahlı Qüvvələri tərəfindən yaşayış yerləri işğal edildikdən sonra Bakıya köçmək, "gecəqondu" evlərdə yerləşmək zorunda qalıblar. Həmin evlər isə 2000-ci illərin ortalarında Bakı Metropoliteni üçün stansiya tikintisi əsası ilə sökülüb. Hökumət məcburi köçkünlər istisna olmaqla, söküntü işləri aparılmış ərazidən köçürülənlərin hamısına təzminat ödəyib.
Məcburi köçkünlər iddia edir ki, təzminat almamaları onların Avropa Konvensiyasının 1 saylı Protokolun 1-ci maddəsində (Mülkiyyət hüququ) və Konvensiyasının 14-cü maddəsində (Ayrıseçkilik) nəzərdə tutulan hüquqlarını pozub.
Bütün şikayətlərdə AİHM-dən xahiş edilir ki, pozuntuları tanısın və Azərbaycan hökumətinin üzərində dəymiş maddi və mənəvi zərərin əvəzini ödəmək öhdəliyi qoysun.
AİHM bütün şikayətlərlə bağlı hökumətə aydınlaşdırıcı suallar göndərib. Hökumət sualları 3 ay içində cavablandırmalıdır.-0-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz