![vəkil Elçin Sadıqov](https://turan.az/resized/media/2019/main/051400018964-750-500-resize.webp)
vəkil Elçin Sadıqov
Avropa Məhkəməsinə gedən məktublar �itib�
Bakı/14.05.19/Turan: Əfqan Muxtarlının və Nemət Pənahlının işləri üzrə Avropa İnsan Hüquqları Məhkəməsinə göndərilən şikayətlər ünvana çatmayıb. Bu barədə vəkil Elçin Sadıqov məlumat verib.
Məktublar bir aydan çoxdur Mərkəzi Poçt vasitəsilə göndərilib və heç bir əsas olmadan Azərpoçt-un PDM-də (anbarda) saxlanılır. "Bununla Azərbaycan höküməti şikayətlərin Avropa Məhkəməsinə göndərilməsinin qarşısını almaq istəyir. Bu hərəkət Avropa İnsan Hüquqları Konvensiyasının 34-cü maddəsini pozur".
Vəkil əlavə edib ki, bununla bağlı Azərpoçt MMC-yə rəsmi şikayət ünvanlayıb.
Azərpoçt MMC-də məktubların izlənmə kodlarını yoxlayaraq, "Azadlıq Radiosu"na bildiriblər ki, təqdim edilmiş izlənmə kodları üzrə axtarış sistemində məktublar tapılmayıb.
"Vətəndaş məktubları göndərdiyi poçt şöbəsinə yaxınlaşaraq, məktubların yerini öyrənmək üçün sorğu göndərsin. Bunun araşdırılması ancaq göndəriş olan poçt vasitəsilə olur. Sorğu göndəriləcək və onun əsasında araşdırma aparılacaq".
Xatırladaq ki, Əfqan Muxtarlı 2017-ci il mayın 25-də Tiflisdən Bakıya gətirilib. Rəsmi orqanlar isə iddia edirlər ki, Muxtarlı ölkəyə qanunsuz keçmək istəyərkən saxlanılıb. Ona Cinayət Məcəlləsinin 318-ci (Dövlət sərhədini qanunsuz olaraq keçmə), 206-cı (qaçaqmalçılıq) və 315-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham irəli sürülüb.
Hüquq müdafiəçilər Ə.Muxtarlını siyasi məhbus elan ediblər.
Nemət Pənahlı 2018-ci il oktyabrın 12-də Nəsimi Rayon Məhkəməsinin qərarı ilə inzibati Xətalar Məcəlləsinin 535.1-ci (polis əməkdaşlarının qanuni tələbinə tabe olmamaq) maddəsilə 30 sutka həbsə məhkum edilib. Pənahlı isə ittihamları qəbul etməyib və müsahibəyə görə tutulduğunu deyib. -0-
-
- Cəmiyyət
- 14 May 2019 18:50
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz