Avropa Oyunlarının məşəli Bakıya gəlib, nəqliyyatın hərəkəti dayandırılır

Yaxın beş gün ərzində Avropa Oyunları məşəlinin estafeti ilə əlqədar Bakının mərkəzi küçə və prospektlərində nəqliyyatın hərəkəti məhdudlaşdırılacaq, xəbəri DİN Yol Polisi Baş İdarəsi yayıb.

Belə ki, iyunun 6-dan 7-nə keçən gecə saat 01:00-dan 03.00-a qədər və 7-dən 8-nə keçən gecə saat 01:00-dan 04:00-a qədər Neftçilər prospektində (“Azneft” dairəsindən Muzey Mərkəzinə qədər hər iki istiqamətdə) hərəkət məhdudlaşdırılacaq.

İyunun 7-də saat 13:30-dan və “günün sonuna qədər” Neftçilər, Azadlıq prospektlərinə, Hacıbəyov, R.Behbudov, Z.Əliyeva və Zorge küçələrində hərəkət məhdudlaşdırılacaq.

İyunun 10-da Şəmsi Bədəlbəyli, Səməd Vurğun küçələrində, Bülbül prospektində, Rəşid Behbudov küçəsində, Azadlıq prospektində, İstiqlaliyyət, Nizami və Şövkət Ələkbərova küçələrində hərəkət məhdudlaşdırılacaq.

Bundan başqa, iyunun 6-da saat 16:00-dan etibarən Heydər Əliyev prospektində - Babək prospekti ilə kəsişmədən Sabunçu qovşağına qədər hərəkət dayandırılacaq. -06В-