Bakı/14.12.17/Turan: Mühacirət etmiş müsavatçılar Avropada etiraz aksiyalarının keçirilməsinə qərar veriblər. Bu haqda Müsavat Avropa Koordinasiya Mərkəzinin (AKM) nümayəndəsi Əhməd Cəlaloğlu bildirib.
Onun sözlərinə görə, aksiyalar Avropanın bir neçə şəhərində keçiriləcək. Etiraz tədbirləri dekabrın 23-nə planlaşdırılır. Aksiyaların tələbi Azərbaycanda siyasi məhbusların azad edilməsi olacaq.
Ə.Cəlaloğlunun bildirdiyinə görə, aksiya qərarının verilməsinə əsas səbəblərdən biri Müsavat Partiyasının Şirvan təşkilatının rəhbəri Əlikram Xurşudovun həbs edilməsi olub: "Dekabrın 23-də eyni gündə, eyni saatda Avropanın 6 şəhərində Əlikram Xurşudovun simasında bütün siyasi məhbusların azad edilməsi tələbilə mitinqlər kecirilməsinə qərar vermişdik", deyə Müsavat AKM təmsilçisi qeyd edib.
Xatırladaq ki, Müsavat Avropa Koordinasiya Mərkəzi 2015-ci ildə Almaniyada təsis edilib və 2016-cı ildə qeydiyyata alınıb. Koordinasiya Mərkəzi bu il Almaniyada bir neçə dəfə "Siyasi məhbuslara azadlıq!" şüarı ilə etiraz aksiyası keçirib. Həmin aksiyadan sonra etiraz tədbirlərini təşkil edən, eləcə də, aksiyada iştirak edənlərin Azərbaycandakı yaxınlarının polisə çağırıldığı, sorğu-sual edildiyi bildirilirdi. Ancaq Azərbaycan rəsmiləri ölkədə siyasi məhbusların olması fikrini qəbul etmirlər. Onlar deyirlər ki, siyasi məhbus sayılan şəxslər törətdikləri əməllərə görə məsuliyyətə cəlb ediliblər. -05B-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz