Bakı/19.09.16/Turan: Bazar ertəsi Bakı Ağır Cinayətlər Məhkəməsində 2015-ci ilin iyununda Atletlər Kəndində avtobusun sinxron üzgüçülük üzrə Avstriya komandasını vurduğu YNH-də təqsirləndirilən şəxslərin işi üzrə hökm çıxarılıb Hadisə Birinci Avropa Oyunları çərçivəsində baş verib, zərərçəkmişlər Vanessa Şahinoviç və Lunu Pacer ağır xəsarətlər alıblar. Şahinoviç ömürlük əlil qalıb.
Məhkəmə avtobus sürücüsü Vəli Əhmədovu üç il müddətinə azadlıqdan məhrum edib. Nəqliyyat Nazirliyi Dövlət Xidmətinin rəisi Hüseyn Salamov da eyni müddətə həbs olunub.
Bu insident haqqında kadrları İnternetdə yayan “Təhlükəsiz şəhər” kamerasının operatoru Elçin Həsənov 4 il azadlıqdan məhrumetmə cəzası alıb.
Nəqliyyat Nazirliyinin Sərnişin Daşımaları Departamentinin məsləhətçisi Fərid Əmiraslanov 3 il şərti cəza alıb.
Beləliklə, ən ağır cəzanı idmançıları şikəst edən deyil, bu barədə bütün dünyaya danışan şəxs alıb.
Qeyd edək ki, prokuror məhkəmədən Əhmədovu 3 il, Salamovu və Həsənovu isə 7 il, Əmiraslanovu isə 5 il müddətinə azadlıqdan məhrum etməyi istəyib. -06В-
Cəmiyyət
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
Rəy yaz