Fuad Əhmədli
Bakı/16.06.17/Turan: Bu gün Bakı Ağır Cinayətlər Məhkəməsində AXCP fəalı Fuad Əhmədlinin işi üzrə proses başa çatıb.
Bugünkü iclasda vəkil Əsabəli Mustafayev və Fuad Əhmədli özü son sözlə çıxış ediblər.
Vəkil bildirib ki, cinayət işi saxtalaşdırılıb. İstintaq səhih sübutlar təqdim etməyib. Müdafiə tərəfinin 9 vəsatətindən ancaq texniki xarakterli bir vəsatət təmin edilib.
F.Əhmədli bildirib ki, siyasi motivlərlə təqib olunur. Ancaq onu və digər AXCP fəallarını heç bir cinayət işi sındıra bilməz, onlar azadlıq və demokratiya uğrunda mübarizəni davam etdirəcəklər.
Məşvərətdən sonra məhkəmə hökmü elan edib. Məhkəmə "zərərçəkənlər"in F.Əhmədliyə iddialarının olmadığını əsas gətirərək 308.2-ci maddə (vəzifəli şəxslər tərəfindən sui-istifadələr, ağır nəticələrə səbəb olduqda) üzrə ittihamı bu maddənin birinci bəndinə (vəzifəli şəxslər tərəfindən sui-istifadə) tövsif edib.
Bununla belə, məhkəmə fəalı 4 il azadlıqdan məhrum edib.
Bundan öncə prokuror onun 7 il azadlıqdan məhrum edilməsini istəmişdi.
Müdafiə tərəfi hökmdən şikayət vermək niyyətindədir.
Xatırladaq ki, Fuad Əhmədli 2016-cı ilin avqustunda həbs olunub. O, operator işlədiyi "Azerfon" şirkətində (Nar Mobile) bir neçə nəfərin şəxsi məlumatlarını başqasına ötürməkdə ittiham olunur.
Ancaq məhkəmə zamanı bu ittihamlar öz təsdiqini tapmayıb və istintaqın "zərərçəkən" kimi tanıdığı şəxslər müttəhimə heç bir iddia irəli sürməyiblər.
"Zərərçəkənlər"dən biri Məhəmməıd Quliyev özü dələduzluq ittihamı ilə axtarışda olub və belə bir adamın ifadəsinə inanmaq olmaz, vəkil Əsabəli Mustafayev hesab edir.-06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz