Bakı/15.06.17/Turan: "Azadlıq" qəzetinin redaktoru və "Azərbaycan saatı" teleproqramının təsisçisi, Fransada mühacirətdə yaşayan Qənimət Zahid Azərbaycanın xüsusi xidməti tərəfindən ona qarşı sui-qəsdin hazırlandığını bildirib.
O, Facebook səhifəsində yerləşdirdiyi müraciətdə qeyd edib ki, dövlət başçısı Dövlət Təhlükəsizlik Xidmətinə onu öldürmək barədə göstəriş verib.
Bu informasiyanın mənbəyini açıqlamayan Q.Zahid bildirir ki, əmrə əsasən qətl təbii ölümə bənzər şəkildə olmalıdır.
"Mənə qarşı terror planı var" kimi açıqlamanı yaymaqdan xoşum gəlmir, amma bunu yalnız planlaşdırılan terroru ifşa etmək üçün bəyan edirəm", - o yazıb.
"Bizim gördüyümüz işlər bir nəfərin varlığı üzərində deyil, biz olmayanda bu işləri davam edəcək başqaları var", - o vurğulayıb.
Qənimət Zahid 90-cı illərin ortalarından "Azadlıq" qəzetinin redaktorudur.
Bir neçə il öncə uydurma xuliqanlıq ittihamı ilə həbs edilib və iki il həbsdə qalıb.
Azadlığa çıxdıqdan sonra ona təzyiqlər dayanmayıb və o, Avropaya mühacirət etməyə məcbur olub.
4 il öncə "Azərbaycan saatı" teleproqramını təsis edib. Veriliş peyk vasitəsilə və İnternetdə yayımlanır.
Böyük populyarlıq qazanan proqram Azərbaycanda hakim rejimin əsas tənqidçilərindən biridir.-02B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz