Xalq Cəbhəsi Partiyasının (AXCP) Mingəçevir təşkilatının fəalı Qədir Xudabaxşiyev həbs cəzasını başa vuraraq, bu gün azadlığa çıxıb.
O, 2015-ci il fevralın 11-də Mingəçevir kafelərindən birində saxlanılıb. Polisin iddiasına görə, onun üzərindən TT tapançası tapılıb. Amma müxalifətçi bu ittihamı təkzib edib, tapançanı onun üzərinə polisin özünün atdığını bildirib.
AXCP Xudabaxşiyevin işini siyasi motivli adlandırıb.
2015-ci il oktyabrın 14-də Mingəçevir Şəhər Məhkəməsi onu 1,5 il müddətinə azadlıqdan məhrum edib.
Xudabaxşiyevin Qarabağ müharibəsi veteranı, həyat yoldaşının isə ikinci qrup əlil olmasına, himayəsində 3 azyaşlı uşaq olmasına baxmayaraq, onu həbsə atıblar.
Hazırda ondan çox AXCP fəalı və tərəfdarı buna bənzər saxta ittihamlarla həbsdədir. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz