Bakı/22.08.19/Turan: Avqustun 22-də Azərbaycan Xalq Cəbhəsi Partiyasının fəalı Ceyhun Novruzov Səbail Rayon Məhkəməsinin hakimi Azər Tağıyevin qərarı ilə 10 sutka müddətinə həbs olunub.
Partiyadan AzadlıqRadiosuna bildirilib ki, Novruzov səhər saatlarında 8-ci polis bölməsinə gedib, ordan isə Səbail Rayon məhkəməsinə aparılıb. "Bölmədə ona bildirilib ki, ona qarşı səs-küy salmaqla, söyüş söyməklə bağlı qonşular şikayət edib, lakin heç bir ərizəni təqdim etmədilər. Sonra İnzibati Xətalar Məcəlləsinin 510-cu maddə ilə protokol tərtib edib məhkəməyə apardılar".
Partiyadan əlavə ediblər ki, Novruzovun yaşadığı küçədə, Səbail rayonun 20-ci sahə ərazisinində artıq 6 gündür polis postları qurmuşdu.
Novruzovun saxlamasının səbəbini AXCP-dən onun həm sosial şəbəkələrində, həm də qonşuların arasında siyasi fəallıqla izah ediblər.
Dünən, avqustun 21-də isə AXCP-nin Səlyan şöbəsinin üzvü Elzamin Salayev polis tərəfindən saxlanılaraq, İXM-nin 510-cü maddəsi ilə 50 manat məbləğində cərimələnib. Salayevin sözlərinə görə, onu ünvansız söyüş söyməsində ittiham etsələr də, səbəb onun rayonda yaşayan şəhid ailəsini müdafiə etməkdir.
Daxili İşlər Nazirliyindən və yerli polis orqanlardan məsələ ilə bağlı münasibət öyrənmək hələ ki, mümkün olmayıb.
Avqustun 20-də saxlandığı bildirilən AXCP fəalı Səhlədar İsgəndərlinin 60 sutka inzibati qaydada həbs olunub. Partiyanın digər fəalı Vilayət Məmmədov isə 30 sutka müddətinə inzibati qaydada həbs olunub.
AXCP-dən verilən məlumata görə, bu il müxtəlif vaxtlarda onların 70-dən çox fəalları inzibati qaydada cəzalanıb. Onlardan 54 nəfərinin 10-30 sutka inzibati həbsə məhkum edildiyi bildirilir. Partiya fəallarından 5 nəfərin isə təkrarən inzibati həbs edildiyi qeyd olunub. Partiyadan vurğulandığına görə, onların əksəriyyəti polisin qanuni əmrinə tabe olmamaqda təqsirləndirilib. Bu il AXCP-nin 24 fəalının isə 50 manatdan 500 manatadək inzibati qaydada cərimə edildiyi iddia olunur. Partiya onların hamısının siyasi mövqelərinə görə şərləndiyini açıqlayıb. Amma bu açıqlanan rəqəmləri də rəsmi qurumlardan dəqiqləşdirmək mümkün olmayıb. Üstəlik, Azərbaycanın rəsmiləri, bir qayda olaraq, bəyan edirlər ki, ölkədə bütün fundamental azadlıqlar qorunur. Onların fikrincə, ölkədə heç kim dinc siyasi fəaliyyətinə görə təzyiqlərlə üzləşmir.-0-
Cəmiyyət
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
Rəy yaz