"Taxta bazarı" deyilən ərazidə baş verən yanğın söndürülüb.
Bu barədə Turana məlumat verən Fövqəladə Hallar Nazirliyinin mətbuat xidmətinin əməkdaşının sözlərinə görə, üç saatdan çox davam edən yanğının sahəsi 1500 kvardratmetrdən artıq idi. Yanğın zamanı ciddi xəsarət alan olmayıb.
* * *
2019 Avqust 22 (Cümə axşamı) 21:56:41
Dərnəgüldə inşaat materialları bazarında böyük yanğın
Bakı/22.08.19/Turan: Avqustun 22-də saat 16 radələrində Dərnəgül qəsəbəsində inşaat materialları bazarlarından birində yanğın baş verib.
"Taxta bazar" adlanan bazar taxta məmulatların topdan ticarət mərkəzi kimi məşhurdur.
Yanğınla əlaqədar Bakı Nəqliyyat Agentliyi Ziya Bünyadov qəsəbəsindən Dərnəgül yoluna gedən yolu bağlayıb və avtonəqliyyat sürücülərini alternativ yollardan istifadə etməyə çağırıb.
Sosial şəbəkə istifadəçilərinin məlumatına görə, bazarın üzərindəki qara duman burumları bir neçə kilometr məsafədən görünür.
FHN hələlik yanğınla bağlı məlumat yaymayıb. Şahidlərin sözlərinə görə, hadisə yerinə yanğınsöndürmə briqadaları gedib. -02D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz