Bakı/22.08.19/Turan: Penitensiar Xidmət İ.Rəhimovun səhhətində problem olmadığını iddia edir. O, Bakı İstintaq Təcridxanasının Tibb-Sanitariya Hissəsindədir və sağlamlığı ilə bağlı hər hansı problem yoxdur. Bu barədə Penitensiar Xidmətin ictimaiyyətlə əlaqələr şöbəsinin rəisi Mehman Sadıqov bildirib. Onun sözlərinə görə, Rəhimov həkim nəzarəti altındadır və maye qəbul edir.
Realliq.info saytının redaktoru İkram Rəhimov 16 gündür Bakı İstintaq Təcridxanasında aclığı davam etdirir. O, bu barədə avqustun 22-də axşam evə zəng edərək ailə üzvlərinə bildirib.
Yaxınlarının sözlərinə görə, Rəhimov vəziyyətinin daha da pisləşdiyini, artıq gəzə bilmədiyini, baş fırlanması olduğunu bildirib. Bu zaman Rəhimov aclığı sonuna qədər davam etdirəcəyini bildirib.
O, apellyasiya şikayətinə təkrar məhkəmə istintaqı və işi üzrə hakim heyətinin dəyişdirilməsi ilə baxılmasını tələb edir.
* Rəhimov 2018-ci il oktyabrın 26-da saxlanılıb, hədələmə yolu ilə pul tələb etməkdə ittiham olunub və həbs edilib. Rəhimov həbsindən əvvəl prezidentin köməkçisi Əli Həsənovu tənqid etdiyinə görə təqib edildiyini bildirib.
İyunun 12-də məhkəmə onu 5,5 il müddətinə azadlıqdan məhrum edib. Avqustun 7-də Bakı Apellyasiya Məhkəməsində Rəhimovun işi üzrə hazırlıq iclası keçirilib. Müdafiə tərəfi təkrar məhkəmə istintaqı, birinci instansiya məhkəməsinə verdikləri ifadələr saxtalaşdırıldığına görə şahid və zərərçəkmişlərin yenidən dindirilməsi barədə vəsatətlər qaldırıb.
Vəkil eyni səbəbdən Rəhimovun telefon danışıqlarının audioyazısının təkrar ekspertizasını təyin etməyi xahiş edib. Amma vəsatətlər təmin edilməyib. Etiraz əlaməti olaraq Rəhimov aclığa başlayıb.
Avqustun 21-də o, məhkəmə heyətinə etiraz edib və iclas ayın 28-nə qədər təxirə salınıb. -06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz