Bakı/04.12.18/Turan: Bu gün Suraxanı Rayon Məhkəməsində AXCP sədrinin müşaviri Məmməd İbrahimə qarşı cinayət ii üzrə məhkəmə istintaqı davam edib.
M.İbrahim 2015-ci il noyabrın 30-da həbs edilib və xuliqanlıq ittihamı ilə 3 il müddətinə mühakimə olunub. O, hüquq müdafiəçiləri tərəfindən siyasi məhbus kimi tanınıb.
Cəza müddətinin başa çatmasına bir gün qalmış ona qarşı qadağan olunmuş əşyanın (bıçaq) qanunsuz saxlanması ilə bağlı yeni ittiham irəli sürülüb. Bu ittiham üzrə onu 6 ayadək azadlıqdan məhrumolunma cəzası gözləyir.
Sentyabrın 28-də Yasamal məhkəməsi M.İbrahimin barəsində 2 ay müddətinə həbs qətimkan tədbiri seçib.
Ceyhun Qədimovun sədrliyilə bugünkü iclas zamanı beş şahidin - M.İbrahimin cəza şəkdiyi koloniyanın əməkdaşlarının ifadələri dinlənilib. Bu barədə Turan-a müxalifətçinin oğlu Turan İbrahim bildirib.
Onun sözlərinə görə, nəzarətçilər qarışıq ifadələr veriblər və bir-birinə zidd danışıblar. Müdafiə tərəfinin vəsatəti üzrə daha 4 şahid - koloniya əməliyyatçısı və üç məhkum (onlardan ikisi artıq azadlığa çıxıb) dindiriləcək.
Hakim məhkəmə dinləmələrinin dekabrın 25-də davam etdirilməsi barədə qərar qəbul edib.-06B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz