Bakı/15.03.19/Turan: Azərbaycan Xalq Cəbhəsi Partiyasının (AXCP) üzvü Aqil Hümbətov martın 15-də günorta saxlanılıb. AXCP-dən bildirilib ki, saxlanmaya səbəb onun sosial şəbəkə vasitəsilə prezident İlham Əliyevə müraciət etməsidir.
Zirə kənd sakini A.Hümbətov bildirib ki, işsizdir, üç uşaq böyüdür, yerli hakimiyyət onun problemləri ilə maraqlanmır, karton satıb dolanır.
Bundan sonra martın 15-də onu Xəzər Rayon Polis İdarəsinin 1 saylı polis bölməsinə aparıblar. Lakin doğmalarına və AXCP nümayəndələrinə saxlanmanın səbəbləri barədə məlumat verilmir.
DİN-dən və polis bölməsindən şərh almaq mümkün olmayıb.
Qeyd edək ki, dövlət başçısı dəfələrlə vətəndaşlara müraciət edərək istənilən məsələ ilə bağlı şəxsən ona müraciət olunmasını, bu müraciətərə baxılacağını vəd edib. Dövlət başçısının köməkçiləri və onun hakim Yeni Azərbaycan Pariyasından olan nümayəndələri də belə deyirlər və bunu "sadə vətəndaşlara qayğı" adlandırırlar.-06D-
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz