Açiq mənbələrdən foto.
AXCP fəalı Ümidovun apellyasiya şikayəti üzrə təkrar təhqiqat
Bakı/18.02.22/Turan: Bakı Apellyasiya Məhkəməsində fevralın 17-də Azərbaycan Xalq Cəbhəsi Partiyasının fəalı, 59 yaşlı Paşa Ümidovun işi üzrə təkrar təhqiqat başlayıb.
O, 2019-cu il oktyabrın 15-də saxlanılıb. Növbəti gün ona qarşı Azərbaycan CM-in 234.2-ci maddəsi ilə (Satış məqsədi ilə qanunsuz olaraq narkotik vasitələri və ya psixotrop maddələri əldə etmə və ya saxlama, hazırlama, istehsal etmə, emal etmə, daşıma, göndərmə, yaxud qanunsuz olaraq narkotik vasitələri və ya psixotrop maddələri satma) ittiham irəli sürülüb. 2020-ci ilin avqustunda Ümidov 4,5 il müddətinə azadlıqdan məhrumetmə cəzasına məhkum edilib. Sonradan Apellyasiya Məhkəməsi hökmü qüvvədə saxlayıb.
Amma ötən ilin dekabrında Azərbaycan Ali Məhkəməsi şikayətə təkrar baxılması üçün işi apellyasiya instansiyasına qaytarıb.
AXCP Rəyasət Heyətinin üzvü Asif Yusiflinin jurnalistlərə verdiyi məlumata görə, Ali Məhkəmə işi məhkəmə istintaqı zamanı iş üzrə əsas şahid - Rəşad Verdiyev dindirilmədiyinə görə qaytarıb. Ümidov həbs edildiyi zaman Verdiyev DİN-in Baş Mütəşəkkil Cinayətkarlıqla Mübarizə İdarəsinin əməkdaşıdır.
Dünən Ümidov Apellyasiya Məhkəməsində bildirib ki, saxlanıldıqdan sonra məhz Verdiyev onun üzərinə narkotik atıb.
Ümidov DİN-in Baş Mütəşəkkil Cinayətkarlıqla Mübarizə İdarəsində etirafedici ifadələri psixoloji təzyiq və təhdid altında verdiyini bildirib.
Ümidov həmçinin narkotik ticarətində ittiham olunduğu halda, evində niyə axtarış aparılmadığını soruşub.
Qeyd edək ki, Ümidov ictimai əsaslarla Kərimlinin sürücüsü və mühafizəçisidir. Hüquq müdafiəçiləri Ümidovu siyasi məhbus kimi tanıyıblar. -06B-
-
- Maliyyə
- 18 Fevral 2022 11:59
Cəmiyyət
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
-
Azərbaycanda saxlamalar, həbslər davam edir. Dünən, aprelin 29-da Seçkilərin Monitorinqi və Demokratiyanın Tədrisi Mərkəzinin sədri Anar Məmmədli saxlanıb. Onun da qaçaqmalçılıqda şübhəli sayıldığı deyilir. Son aylar Azərbaycanda 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittiham ilə razılaşmır, bunu peşə fəaliyyətləri və siyasi sifarişlə izah edirlər.
-
Mayın 1-də Bakıda və Abşeron yarımadasında hava şəraiti əsasən yağmursuz keçəcək. Havanın temperaturu gündüz 21-26 dərəcə isti təşkil edəcək.
Sanksiya xəbərləri fonunda Azərbaycanda baş verən həbslər... – Rüfət Səfərov Çətin sualda
InvestPro Azerbaijan Baku & Turkiye Istanbul 2024 – two conferences in one shot
Xəbər lenti
-
- Cəmiyyət,
- 16:19
- 289
-
- Siyasət,
- 15:14
- 437
-
- Söz istəyirəm,
- 13:32
- 299
Rəy yaz