Bakı/22.10.19/Turan: Oktyabrın 22-də günorta saatlarında pols tərəfindən saxlanılan Azərbaycan Xalq Cəbhəsi Partiyasının üzvü Tofiq Məmmədov sərbəst buraxılıb. Bu barədə AzadlıqRadiosuna Məmmədovun özü bildirib.
Məmmədovun verdiyi məlumata görə, onun saxlanma səbəbi partiyadan uzaqlaşdırma cəhdi idi. "Yasamal Rayonun 29-cu polis bölməsində mənə dedilər partiyadan çıx. Etiraz etdim. Onda mənə qarşı İXM-nin 510.1 və 510.2 maddəsi ilə protokol tərtib etdilər. Məsələ ictimailəşəndən sonra isə fikrindən döndülər".
Məsələ ilə bağlı polis bölməsindən məlumat almaq mümkün olmayıb.
Xatırladaq ki, 2019-cu il oktyabrın 11-də Bakının Yasamal rayonunda "İnşaatçılar" metrosunun yaxınlığında təkadamlıq aksiya keçirən AXCP fəalı T.Məmmədov polis tərəfindən saxlanılıb.
Bununla bağlı AXCP- məlumatında deyilirdi ki, T. Məmmədova xırda ticarətlə məşğul olmaq imkanı verilmir, başqalarına isə verilir və partiya bu münasibəti ayrı-seçkilik kimi dəyərləndirib.
T.Məmmədov oktyabrın 11-də Yasamal Rayon Polis İdarəsinə aparılıb. Yasamal Raon Məhkəməsi onu İnzibati Xətalar Məcəlləsinin 510-cu maddəsi (xırda xuliqanlıq) ilə təqsirli bilərək 10 sutka inzibatı həbsə məhkum edib.
T. Məmmədov son bir ildə azı dörd dəfə 10 sutkadan 30 sutkayadək inzibati qaydada həbs edilib.
Bakı Şəhər Baş Polis İdarəsi isə T.Məmmədovun həbsilə bağlı yaydığı məlumatda bildirirdi ki, AXCP fəalı qanunsuz küçə ticarəti ilə məşğul olur və onun saxlanmasının siyasi mıəsubiyyətilə əlaqəsi yoxdur.
Oktyabrın 21-də inzibati həbsdən azad olan T.Məmmədov oktyabrın 22-də yenidən saxlanılaraq polis bölməsinə gətirilib.-0-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz