Martın 30-da Naxçıvan Apellyasiya Məhkəməsi Azərbaycan Xalq Cəbhəsi Partiyasının (AXCP) fəalı Zeynal Bağırzadənin apellyasiya şikayətini təmin etməyib. Məhkəmə Babək Rayon Məhkəməsinin Zeynal Bağırzadənin barəsində çıxardığı hökmü qüvvədə saxlayıb.
Zeynal Bağırzadə bu il fevralın 2-də Babək Rayon Məhkəməsinin hökmü ilə 8 il azadlıqdan məhrum edilib.
O, ötən il noyabrın 16-da həbs olunub. Cinayət Məcəlləsinin 315.1-ci maddəsi (zorakılıq tətbiq etməklə hakimiyyət nümayəndəsinə müqavimət göstərmək) ilə ittiham edilib. İbtidai istintaqın yekunlarına görə, ittiham 315.2-ci maddəyə (hakimiyyət nümayəndəsinə həyat üçün təhlükəli olan zorakılıq tətbiq etməklə müqavimət göstərmək) tövsif olunub.
Babək Rayon Məhkəməsi Z.Bağırzadəni 315.2-ci maddə ilə təqsirli bilərək 4 il müddətinə azadlıqdan məhrum edib. Bundan əlavə, məhkəmə 2012-ci ildə çıxarılmış hökm üzrə şərti cəza müddətini də bunun üzərinə gəlib.
Zeynal Bağırzadə ittihamı qəvbul etmir və həbsini siyasi sifariş hesab edir. O, bildirib ki, Dövlət Sosial Müdafiə Fondunun yerli şöbəsinin əməkdaşlarının iştirakı ilə ona qarşı təxribat hazırlanıb.
Belə ki, həbsdən bir neçə gün öncə Z.Bağırzadənin evinə gələn Sosial Müdafiə Fondunun əməkdaşları fonda ödənişi tələb ediblər. Y.Bağırzadə evdə olmayıb. Faiq İsmayılov adlı məmur ev sahibinin ünvanına xoşagəlməz ifadələr işlədib. Z.Bağırzadə bununla bağlı Fonda gedərək bu adamları tapıb, hadisəyə görə etirazını bildirib. Sonra prokurorluğa şikayət ərizəsi verib. Z.Bağırzadənin ərizəsi ləğv edilib, proses tam əleyhinə yönəlib. Sonunda da 7 il yarım şərti işindən qalan cəza hissəsi indiki cəza hissəsinin üstünə gəlməklə 8 il azadlıqdan məhrum edilib.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz