![AXCP fəalının həbs qərarı qüvvədə qalıb](https://turan.az/resized/750/500/resize/media/2017/main/011400180378.jpg)
AXCP fəalının həbs qərarı qüvvədə qalıb
Yanvarın 14-də Bakı Apellyasiya Məhkəməsində AXCP fəalı Nicat Nizamovun həbs qərarından verilən şikayətə baxılıb. Bu haqda Turana cəbhəçi gəncin vəkili Əsabəli Mustafayev məlumat verib.
Onun sözlərinə görə, Nizamovu müxalifətçilərə qarşı tətbiq olunan şablon ittihamla həbs ediblər. Guya o küçədə telefonla ucadan danışıb, polis gənci qayda-qanuna dəvət etdikdə isə o buna məhəl qoymayıb.
Məhkəmə apellyasiya şikayətini təmin etməyib və Nicat Nizamova 10 sutka inzibati həbs cəzası verilməsi barədə Suraxanı Rayon Məhkəməsinin yanvarın 10-da çıxardığı qərar qüvvədə saxlanılıb.
Məhkəmədə Nicat Nizamovun özünün də iştirak etdiyini deyən vəkil qərarı alandan sonra gənc fəalın həbsindən Avropa Məhkəməsinə şikayət göndərəcəyini bildirib: “İndiyəqədərki təcrübəni nəzərə alaraq, qərarın qüvvədə saxlanılacağını gözləyirdik. Yəni qeyri-adi bir şey baş vermədi. Sadəcə, Avropa Məhkəməsinə göndərilən şikayətlərin biri də artdı”.
Nicat Nizamov yanvarın 9-da yaşadığı evdən Suraxanı Rayon Polis İdarəsinin 30 saylı bölməsinə aparılıb. Onun niyə saxlanıldığı haqda yaxınlarına, partiya yoldaşlarına uzun müddət heç bir məlumat verilməyib.
Yanvarın 10-da AXCP fəalı ictimai qaydanı pozmaqda suçlanaraq, hakim önünə çıxarılıb.
Nicat Nizamov məhkəmədə bu ittihamı yalanlayıb
AXCP də üzvünün sosial şəbəkələrdə tənqidi statuslarına görə cəzalandırıldığı qənaətindədir.—06В--
-
- Söz istəyirəm
- 14 Yanvar 2017 17:43
-
- Cəmiyyət
- 14 Yanvar 2017 19:34
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz