AXCP fəalının işi üzrə məhkəmə prosesi
Bakı/13.01.22/Turan: Bu gün Gəncə Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) yerli fəalı, şahmat məşqçisi Şahin Hacıyevin işi üzrə hazırlıq iclası keçirilib.
O, 234.4.3-cü maddə (böyük ölçüdə narkotik vasitələrin qanunsuz dövriyyəsi) ilə ittiham olunur.
AXCP-də onun ölkə rəhbərliyini tənqid etdiyinə görə təqib edildiyini hesab edirlər.
Hazırlıq iclasında məlum olub ki, təqsirləndirilən şəxs cinayət işinin materialları ilə tanış olmayıb və ittiham aktı ona təqdim edilməyib. Bununla əlaqədar proses yanvarın 21-nə təxirə salınıb, bu barədə "Müdafiə Xətti" QHT-nin məlumatında deyilir.
Təşkilat ittihamın doğruluğuna şübhə edir.
"Müdafiə Xətti" QHT-nin rəhbəri Rüfət Səfərovun sözlərinə görə, istintaq qanun pozuntuları ilə aparılıb.
"Məsələn, Hacıyev evdə saxlanılıb, bu zaman o, döyülüb. İş materiallarında isə onun küçədə saxlanıldığı iddia olunur", deyə Səfərov bildirib.
Vəkil Zabir Qəhrəmanov bildirib ki, Hacıyev məhkəməyə saxlanıldıqdan sonra işgəncələrə məruz qaldığı haqqında bəyanat verib. Onun sözlərinə görə, ekspertiza istintaq təcridxanasına daxil olarkən onun ayağında travma olduğunu təsdiq etsə də, prokurorluq cinayət işi açmaqdan imtina edib.
Hacıyev 2021-ci ilin noyabrında saxlanılıb. -06D-
-
- İqtisadiyyat
- 13 Yanvar 2022 12:55
-
- İqtisadiyyat
- 13 Yanvar 2022 13:16
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz