Açıq mənbələrdən foto.
Azərbaycan Xalq Cəbhəsi Partiyasının üzvü Elvin Məmmədov işdən çıxarılıb.
Bu barədə Məmmədovun özü məlumat verib.
Onun sözlərinə görə, dünən, iyunun 5-də o, işlədiyi "Sədərək" Ticarət Mərkəzinin Mühafizə İdarəsinə buraxılmayıb. "Dünən işə gəldim, buraxmadılar, kadr şöbəsinə getmək lazım olduğunu bildirdilər. Kadr şöbəsində isə mənə bildirilib ki, AXCP üzvü olduğuma görə işdən çıxmalıyam. Təklif etdilər ki, öz istəyimlə işdən azad edilməsi ilə bağlı ərizə yazım. İmtina etdim. Maraqlısı da budur ki, dörd ay işlədiyim "Sədərək"də mənimlə əmək müqaviləsi bağlanmayıb, indi isə ərizə yazmağımı istədilər".
Məsələ ilə bağlı "Sədərək" Ticarət Mərkəzindən münasibət öyrənmək mümkün olmayıb.
Xatırlatma
Elvin Məmmədov mayın 3-də Qaradağ Rayon Məhkəməsinin qərarı ilə inzibati qaydada 30 sutka müddətinə həbs olunmuşdu.
Fəal mayın 2-dən yoxa çıxmışdı. AXCP-dən qeyd edildiyinə görə, E.Məmmədov mayın 2-də səhər saatlarında iş yerindən çağırılıb və geri qayıtmayıb.
Partiyadan bildirildiyinə görə iki sutka ərzində ailəsi E. Məmmədov haqqında heç bir məlumat ala bilməmişdi.
AXCP-da hesab edirlər ki, Məmmədovu partiya sədri Əli Kərimlinin ad gününə şer yazdığına görə həbs olunmuşdu.-0-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz