Saat 15:00 radələrində mülki geyimli şəxslər tərəfindən saxlanılan Azərbaycan Xalq Cəbhəsi Partiyasının üzvü Nicat Abdullazadə sərbəst buraxılıb.
Bu barədə AzadlıqRadiosuna Abdullazadə özü bildirib. Onun sözlərinə görə, o tanımadığı polis idarəsində 3 saat saxlanılandan sonra sərbəst buraxılıb. "Məndən yanvarın 13-da inzibati qaydada həbs olunan partiya üzvü Zamin Salayevin müdafiəsinə keçiriləcək aksiyalar barədə soruşmuşdular. Mən isə bildirdim ki, mənim bununla bağlı heç bir məlumatım yoxdur. Sonra isə sərbəst buraxıldım".
* * *
2020 Yanvar 28 (Çərşənbə axşamı) 20:52:14
AXCP fəalı mülki geyimli şəxslər tərəfindən saxlanılıb
Bakı/28.01.20/Turan: Yanvarın 28-də günorta saatlarında Azərbaycan Xalq Cəbhəsi Partiyasının Ali Məclisinin üzvü Nicat Abdullazadə Bakıda Nərimanov metro stansiyasının yaxınlığında 3 nəfər mülki geyimli şəxs tərəfindən saxlanılaraq naməlum istiqamətə aparılıb. Bu barədə AXCP məlumat yayıb. “Həmin mülki geyimli şəxslər Nicat Abdullazadəyə zəng edərək “Azadlıq” qəzetinin baş redaktoru, siyasi mühacirətdə olan Qənimət Zayidovun çapdan yeni buraxılmış “Son dərviş” kitabını istəyiblər. Nicat Abdullazadə həmin kitabı onlara çatdıran zaman saxlayıblar”,- AXCP-dən Turan-a bildiriblər.
Nicat Abdullazadə yanvarın 13-də də saxlanılmışdı. O, Azərbaycan Xalq Cəbhəsi Partiyasının (AXCP) fəalı Əlzamin (Zamin) Salayevlə birgə saxlanılmışdı.
Əlzamin Salayev 30 sutka inzibati həbsə məhkum edilib. Nicat Abdullazadə isə 50 manat cərimə edilərək sərbəst buraxılıb. -03B-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz