Aygün Hümbətova uşaqların agır durumu barədə prezidentə müraciət etdi

Siyası məhbus, AXCP fəalı Aqil Hümbətovun həyat yoldaşı, üç uşaq anası Aygün Hümbətova ölkə prezidenti İlham Əliyevə sosial şəbəkə (FB) vasitəsilə açıq müraciət göndərib.

Turana verdiyi müsahibədə o,  ailəsinin agır durumda olmasını vurgulayıb.  "Ərimi şərləməyə lazım olanda gəlirlər.  Xəzər rayonu icra başçısı gəlsin maraqlansın vətəndaşları hansı gündədirlər".

Onun sözlərinə görə,  uşaqlardan birini "hazırlığa qoymalıdır",  amma hər gün nəqliyyata verəsi pulu yoxdur. "Necə çatdırım,  yol pulu,  taksi pulu gör hara çıxır.  Bu ölkədə təhsil   yox  dərəcədədi"...

"Mən siyasi məhbus ailəsiyəm, niyə çətinlik içində yaşayıb sürünməliyəm?  İlham Əliyev - yoldaşım Aqil Hümmətovu şərləmisiz.   Uşaqlarım  nəmin suyun kifin içində batır,  uşaqlarımın nə yaşı var ki revmatizmdan əziyyət çəkir? Olkə başçısı,    tələblərim yalnız sizdəndi və haqlıyam. Tələb edirəm və edəcəyəm", - Aygün Hümbətova yazıb.

AXCP fəalı Aqil Hümbətov 2021-ci il avqustun 11-də saxlanılıb. 2021-ci ilin noyabrında Bakı Ağır Cinayətlər Məhkəməsinin hökmü ilə 10 il azadlıqdan məhrum edilib. O, xuliqanlıq niyyəti ilə ümumi təhlükəli üsulla sağlamlığa qəsdən ağır zərər vurmağa görə həbs edilib.  AXCP-də ittihamın saxta olması barədə bəyanat yayıblar.

Aygün Hümbətova dəfələrlə dövlət idarələri qarşısında etiraz piketləri keciriərək yoldaşının azad edilməsini və uşaqlarına dövlət yardımın verilməsini tələb edib.