Bakı/24.12.18/Turan: Bu gün "Azadlıq" qəzetinin ilk sayının çapının 24 ili tamam olur. "Azadlıq" qəzeti çağdaş Azərbaycanın demokratik mətbuatının pioneri olub.
"Azadlıq" öncə Azərbaycan Xalq Cəbhəsinin (AXC) mətbu orqanı olub. Sonra təsisçi qismində qəzetin kollektivi çıxış edib. İlk redaktoru AXC İdarə Heyətinin üzvü, mərhum Nəcəf Nəcəfov olub.
Qəzet vaxtaşırı təzyiqlərə məruz qalıb. 1990-cı ilin yanvarında Bakıya qoşun yeridildikdən sonra qəzetin buraxılışı müvəqqəti dayandırılıb.
Təəsüf ki, qəzet indi də təzyiq altındadırır. Onun iki əməkdaşı- Seynur Həzi və Ziya Əsədli həbsdədir. Redaktor Qənimət Zahid başda olmaqla əməkdaşların çoxu məcburi mühacirətdədir.
2016-cı ilin sentyabrından qəzetin fəaliyyəti dayandırılıb. 2017-ci ildən isə Azərbaycan ərazisində qəzetin online versiyasına giriş bloklanıb.
"Azadlıq" qəzeti müasir Azərbaycanın azadlıq tarixidir. İki ildən çoxdur qəzetin çapı dayanıb. Kollektiv pərən-pərən düşüb, kimi yaxında, kimi uzaqda. Artıq iki ildən çoxdur ki, bu qəzetə dərdini, ağrısını, problemini danışan yoxdur, oxucu şikayəti yoxdur", - qəzetin redaktoru Rövşən Hacəbəyli bildirib.
Bununla belə, o, qəzetin və ölkənin gələcəyinə nikbin baxir.
"Həmişə ümidlə yaşamışıq, yenə də ümidliyik ki, həmin günlər qayıdacaq, qəzetin əhatə dairəsi genişlənəcək, yeni kollektiv formalaşacaq"- R.Hacıbəyli vurğulayıb.-06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz