Azadlıq qəzetinin maliyyə direktoruna qarşı yeni ittihamlar irəli sürülüb
Aprelin 17-də 1 saylı Bakı İstintaq Təcridxanasında saxlanılan “Azadlıq” qəzetinin maliyyə direktoru Faiq Əmirliyə qarşı yeni ittihamlar elan olunub. Bu barədə Amerikanın Səsinə vəkil Fəxrəddin Mehdiyev bildirib.
Onun sözlərinə görə, istintaq orqanı Faiq Əmirlinin Cinayət Məcəlləsinin 213.1 ci maddəsi (vergidən yayınma) və 308.2-ci maddəsi (vəzifə səlahətindən sui-istifadə) ilə təqsirli bilinməsi qənaətinə gəlib.
Vəkil deyib ki, Faiq Əmirli ittihamı qəbul etməyib və ifadə verməkdən imtina edib.
Mehdiyevin sözlərinə görə, istintaq orqanı yeni ittihamlarla Faiq Əmirliyə qarşı ittihanın həcmini genişləndirib. “Əgər, əvvəlki ittiham az ağır cinayətlərə aid idisə, yeni ittihamlar ağır cinayətlər kateqoriyasına aiddir”, o qeyd edib.
Vəkil Faiq Əmirliyəı qarşı bundan öncə irəli sürülmüş ittihamın icraatının dayandırılacağını düşünür.
F.Əmirli 2016-cı il avustun 20-də saxlanılıb. Ona qarşı Cinayət Məcəlləsinin milli, irqi, dini ayrı-seçkilik və dini nifrəti qızışdırmaq kimi ittihamlar iərli sürülüb. F.Əmirli Türkiyədə fəaliyyət göstərən “Hizmet” Hərəkatının imamı kimi təqdim olunub.
O bu ittihamları rədd edib, “Azadlıq” qəzetinə təzyiq kimi dəyərləndirib. Əmirli həbs edildikdən sonra qəzetin çapı dayanıb. Belə ki, qəzetin bank hesabında maliyyə direktorunun imzası təsdiq olunub, bank digər imzanı qəbul etməyib.
Faiq Əmirliyə qarşı vergi ittihamı irəli sürülməsə də istintaq orqanının təklifi ilə “Azadlıq” qəzetinin 2010-2016-cı illər fəaliyyəti üzrə səyyar vergi yoxlaması təyin edilib. Qəzetin əməkdaşlarının əksəriyyəti Baş Prolurorluğun Ağır Cinayətlərə dair İşlər üzrə İstintaq İdarəsində dindirilib.
-
- Siyasət
- 17 Aprel 2017 18:38
-
- Söz istəyirəm
- 18 Aprel 2017 10:09
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz