Bakı/17.05.17/Turan: Mayın 19-da Səbayel Rayon Məhkəməsində Aytən Əliyevanın sədrliyilə "Azadlıq" qəzetinin maliyyə direktoru Faiq Əmirovun işi üzrə məhkəmə başlayacaq. Bu barədə Turan-a vəkil Aqil Layıcov bildirib.
Faiq Əmirov 2016-cı il avqustun 20-də dini ədavətin qızışdırılması ittihamı ilə saxlanılıb.
İstintaq onu Türkiyədə dövlət çevrilişinə cəhddə ittiham olunan din xadimi Fətullah Gülənin nümayəndəsi kimi təqdim edib.
Öncə ona qarşı CM-in 168.1-ci (dini ayinlərin icrası adı altında vətəndaşların hüquqlarına qəsd etmə) və 283.2.2-ci (milli, irqi, sosial, dini nifrət və düşmənçiliyin salınması) maddələri ilə ittiham irəli sürülüb. Sonra CM-in 213.1-ci maddəsi (vergidən yayınma) ilə yeni ittiham irəli sürülüb.
F.Əmirova 5 ilədək həbs cəzası verilə bilər.
Azərbaycan Xalq Cəbhəsi Partiyası F. Əmirovun həbsini siyasi sifariş sayır və ölkədə yeganə müxalifət qəzeti olan "Azadlıq"ın susdurulması, partiyanın gözdən salınması kimi qiymətləndirir.
Demokratik ictimaiyyət və çoxsaylı beynəlxalq təşkilatlar bu fikirlə razılaşır və F.Əmirovun dərhal azadlığa buraxılmasını tələb edir.-16B-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz