Bu gün Bakı vaxtı ilə saat 23:45-də 2018-ci il Dünya Çempionatının seçmə oyunları çərçivəsində Şimali İrlandiya və Azərbaycan yığmaları arasında futbol maçı başlayacaq.
Azərbaycan yığmasının uğurlu başlanğıcından ruhlanmış azarkeşlər əlverişli nəticə gözləyirlər.
Üç turdan sonra ölkə yığmasının 7 balı var və qrupda Almaniyadan sonra (9 bal) ikinci yeri tutur.
Xatırladaq ki, San-Marino üzərində rəqib meydançasında qələbədən sonra (1:0) Azərbaycan yığması Norveç komandasını eyni hesabla məğlub edib, üçüncü turda isə çexlərlə oyunu heç-heçə bitirib.
Şimali İrlandiya 3 oyunda 4 bal qazanıb və qrupda üçüncü yeri tutur. Britaniyalılar rəqib meydançısında Çexiya yığması ilə oyunu 0:0 hesabı ilə heç-heçə bitirib, öz meydançalarında San-Marinonu 4:0 məğlub edib və Almaniya yığmasına rəqib meydançasında 0:2 məğlub olub.
2014-cü il Dünya Çempionatının seçim mərhələsində də bu yığmalar eyni qrupda oynayıblar. Həmin vaxt Azərbaycan Bakıda Şimali İrlandiyalıları 2:0 hesabı ilə məğlub edib, rəqib meydançasında isə 1:1 hesabı ilə oyunu heç-heçə bitirib.
Qeyd edək ki, nəticə heç-heçə olarsa, Azərbaycan yığması 5 turun keçiriləcəyi 2017-ci ilin martına qədər qrupda ikinci yeri qoruyub saxlayacaq. -71D-
Cəmiyyət
-
Rusiya Azərbaycanda yeni nümayəndəlik açmaqda israrlı görünür. Bugünlərdə Rusiya Xarici İşlər Nazirliyinin (XİN) konsulluq departamentinin rəhbəri Aleksey Klimov TASS-a müsahibəsində deyib ki, hazırda Azərbaycan ərazisində, o cümlədən Qarabağda ölkəsinin yeni xarici nümayəndəliklərinin açılması məsələsi siyasi səviyyədə işlənilir. "Azərbaycan tərəfi ilə müvafiq razılaşmalar formalaşdırıldıqca konsulluq departamenti onlarla bağlı praktiki addımların həyata keçirilməsinə qoşulacaq", - o qeyd edib.
-
Oktyabrın 4-də paytaxtda hava şəraitinin dəyişkən buludlu olacağı gözlənilir. Səhər və axşam bəzi yerlərdə yağış yağacağı, şimşək çaxacağı gözlənilir. Mülayim şimal-qərb küləyi əsəcək.
-
Ölkənin lider mobil operatoru “Premium” tariflərinin imkanlarını genişləndirir. Oktyabr ayının 1-dən etibarən “Premium” abunəçilərinə daha sərfəli danışıq xidmətləri təqdim edilir, paketlərin aylıq abunə haqqı və digər imtiyazlar isə dəyişməz olaraq qalır.
-
Oktyabrın 3-də paytaxtda hava buludlu olacaq, gecə bəzi yerlərdə yağış yağacaq. Şimal-qərb küləyi əsəcək. Havanın temperaturu gecə müsbət 14+18, gündüz müsbət 20+25 dərəcə olacaq. Rütubət gecə 70-75, gündüz 55-60 faiz olacaq.
Rəy yaz