Azərbaycan 17 şirkətin İrandan bibər və kivi idxalınıqadağan edib

Bakı/19.05.23/Turan: Azərbaycan Qida Təhlükəsizliyi Agentliyi İrandan bibər və kivi idxal edən 17 şirkətə müvəqqəti qadağa tətbiq edib.

Agentliyin məlumatına görə, İran şirkətləri tərəfindən Azərbaycana idxal olunan bibər məhsulunun 19 partiyasında  zərərli  “Qonur qırışıqlıq virusu” (Tobamovirus) aşkarlanıb.

“Həmin məhsullardan 10  partiya “Rasol Soleymanpour”, 4- “Amanj Sahragard”, 2-s “Avoid Sarmayeh Asia Co”, 1- “Bazargani Diba Mehr Daryan”, 1- Farhad Tejarat Ramin”,  1 “Sarah Jabaroti” şirkətinə aiddir.

Bundan əlavə, İran şirkətləri tərəfindən gətirilən kivi məhsulunun 34 partiyasında  “Tut qalxanlı yastıca” (Pseudaulacaspis pentagona) aşkarlanıb.

Zərərverici aşkar edilən məhsul partiyalarından 6-ı “Sarah Jabaroti”, 5- “Ramin Cheraghi”, 4- “Bahram Gostar Aras Shargh” 3- “Sayed Ali Akbar Abul Maali” və 3- “Avoid Sarmayeh Asia Co” şirkətinə aiddir. Digər 13 ixracatçı şirkətin hər birində isə 1 uyğunsuzluq halı müəyyən olunub, məlumatda qeyd edilir.

Aşkarlanan hallarla əlaqədar İranın Milli Bitki Mühafizəsi Təşkilatına bildirişlər göndərilib və baş verən uyğunsuzluqların araşdırılaraq nəticəsi barədə məlumat verilməsi istənilib.

“Təəssüflə qeyd edirik ki, zərərli məhsulların aşkarlanması halları davam etməkdədir. Qeyd olunan şirkətlərlə yanaşı, Azərbaycan idxalçılarından “Dry Fruits” MMC, “Frukt İs” MMC, “Ballı Store N” MMC və “South potato” MMC, “Amotrade” MMC, “Narnumru” MMC, “Fadak-1974” MMC, “Freere Fructe” MMC, “Senergy Az” MMC və “South potato” MMC-nin idxal etdiyi məhsullarda  da sözügedən zərərvericilər aşkarlanıb.  

Aşkar edilmiş hallarla əlaqədar mayın 17-dən İranın yuxarıda göstərilən 9 şirkəti və Azərbaycanın 8 şirkəti tərəfindən bibər və kivinin idxalına müvəqqəti məhdudiyyət qoyulub. 03