Avqustun 16-da iki Azərbaycan alpinisti – Sirxan Məmmədov və Firuz Dadaşov keçmiş SSRİ-nin ən yüksək zirvələrindən biri olan Xan-Tengrini (7010 m) uğurla fəth edib.
Azərbaycan Alpinizm və Qayayadırmanma Federasiyasının prezidenti İsrafil Aşurlunun Turan-a verdiyi məlumata görə, idmançılarımız zirvəni ağır hava - güclü qar yağışı və külək şəraitində fəth ediblər.
Fəthə böyük qüvvə sərf edən alpinistlər dünən müvəffəqiyyətlə baza düşərgəsinə eniblər. Bu barədə peyk telefonu ilə komanda kapitanı Sirxan Məmmədov bildirib.
İndi alpinistlərimizi bir həftəlik istirahət gözləyir. Onlar güc toplayaraq, Tyan-Şanın ən yüksək, çətin və təhlükəli zirvəsi olan Qələbə Zirvəsinin (7439 m) fəthinə başlayacaqlar.
Uğur əldə etdikləri təqdirdə Sirxan Məmmədov və Firuz Dadaşov keçmiş SSRİ-nin yeddi min metrlik bütün zirvələrini fəth edən idmançılara verilən nüfuzlu “Qar bəbiri” titulunun sahibi olacaqlar.
Bu günə qədər Azərbaycanda yalnız İsrafil Aşurlu bu titula sahibdir. -02В-
Cəmiyyət
-
Oktyabrın 14-də Azərbaycan futbol yığması UEFA Millətlər Liqasının ev oyununda Slovakiya komandasına 1:3 hesabı ilə uduzub.
-
Tütün məmulatlarının, məişət tullantılarının ətraf mühitə atılmasına görə cərimənin məbləği artırılır. Bununla bağlı İnzibati Xətalar Məcəlləsinə dəyişikliklər Milli Məclisdə artıq birinci oxunuşda qəbul edilib. Hazırda məişət tullantılarının tutumlardan (urnalardan) kənar yerlərə atılmasına görə cərimə 50 manat təşkil edir. Dəyişikliyə əsasən, eyni əmələ görə fiziki şəxslər 300, vəzifəli şəxslər 1000, hüquqi şəxslər 4000 manat cərimə ediləcək.
-
Oktyabrın 15-də axşam paytaxtda və Abşeronda az yağıntı gözlənilir. Şimal -şərq küləyi cənub -şərq küləyinə keçəcək. Havanın temperaturu gecə müsbət 12 +16, gündüz müsbət 17 + 20 dərəcə olacaq. Rütubət gecə və gündüz 60-70 faiz olacaq.
-
İnnovasiya və sürət lideri "Bakcell" regionun ən böyük innovasiya sammiti olan “INMerge” İnnovasiya Sammitinin tərəfdaşıdır. Bu tərəfdaşlıq sayəsində "Bakcell" Azərbaycanda tətbiq etdiyi innovativ texnologiyaları və süni intellekt əsaslı həlləri təqdim edəcək.
Rəy yaz