Bakı/16.10.21/Turan: Azərbaycan daha 23 ölkənin vətəndaşları üçün hava nəqliyyatı ilə ölkəyə girişi açır.
Bu, Nazirlər Kabinetinin 26 may 2021-ci il tarixli 151 saylı "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması tədbirləri haqqında" qərarına edilmiş dəyişikliklərdə nəzərdə tutulur.
Sənədə əsasən, hava nəqliyyatı ilə ölkəyə giriş üçün icazə aşağıdakı dövlətlərin vətəndaşlarına və bu ölkələrdə daimi yaşayan əcnəbilər və vətəndaşlığı olmayan şəxslərə verilir - Argentina, Avstraliya, Braziliya, Bruneya, Cənubi Koreya, Çili, Ekvador, Kamboca, Kosta-Rika, Kuba, Küveyt, Qazaxıstan, Maldiv Respublikası, Meksika, Mərakeş, Monqolustan, Çernoqoriya, Norveç, Oman, Panama, Salvador, Uruqvay və Yeni Zelandiya.
Azərbaycana gələn sərnişinlər COVİD-pasportu, immunitet sertifikatı və uçuşa 72 saat qalmış PCR testinin mənfi nəticələsi haqda arayışa malik olmalıdırlar.
Bundan öncə, iyunun 10-dan Azərbaycan mərhələli şəkildə 50-dən çox ölkədən giriş məhdudiyyətlərini ləğv edib.- 06B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz