Bakı/03.04.22/Turan: Demokratiya Naminə Ukraynaya Dəstək Platformasının Buça soyqırımı ilə bağı dünya ictimaiyyətinə müraciət edib.
Sənəddə deyilir:
Rusiya ordusunun işğal olunmuş Ukrayna torpaqlarından qovulması işğalçı ordunun çoxsaylı cinayətlərini üzə çıxardı. Aralarında qadınlar və uşaqlar da olmaqla dinc sakinlər əlləri bağlanaraq gülləbaran edilmişlər. Bütöv ailələr qətlə yetirilib. Rusiya ordusunun Kiyev vilayətinin Buça şəhərində törətdiyi soyqırım Serbiyanın Srebrenitsada törətdiyi soyqırımın daha ağır formada təkrar olunmasıdır.
Putin Rusiyasının Ukraynaya təcavüzü başladığı andan hərbi cinayəti idi. Buça, İrpin, Mariupol və digər şəhərdə üzə çıxan danılmaz dəlillər sübut edir ki, Ukraynanın işğal olunmuş rayonlarının dinc əhalisi Rusiya qoşunları tərəfindən məqsədyönlü şəkildə məhv edilib.
2022-ci il fevralın 24-dən başlayaraq Ukrayna ərazisində baş verənlər BMT-nin tərifinə görə, Ukrayna xalqının soyqırımıdır. Putin Rusiyasının bu cinayəti yalnız Ukraynaya qarşı deyil, insanlığa qarşıdır. Ukrayna xalqının soyqırımında iştirak edən hər bir şəxs – birbaşa iştirakçılar və ali baş komandan daxil olmaqla– beynəlxalq məhkəmə tərəfindən müəyyən edilməli və məsuliyyətə cəlb edilməlidir.
Demokratiya Naminə Ukraynaya Dəstək Platforması BMT Baş Assambleyasına, Avropa Parlamentinə, Avropa Şurası Parlament Assambleyasına müraciət edərək Rusiya qoşunları tərəfindən işğal olunmuş Ukrayna ərazisində mülki şəxslərin kütləvi qətlini soyqırım kimi tanımağa çağırır.-0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz