Azərbaycan həbsdən azad edilənlərin readaptasiyası məsələsində qonşularından geri qalır

"Beynəlxalq Həbsxana İslahatı" (PRİ, Penal Reform International) iyulun 17-də Tbilisidə "Cənubi Qafqazda qeyri-həbs cəzalarının tətbiqi" mövzusunda regional konfrans keçirib.

Azərbaycan, Ermənistan və Gürcüstan ekspertlərinin görüşü BMT-nin Demokratika Fondu tərəfindən maliyyələşdirilən layihə çərçivəsində baş tutub və təcrübə xidmətlərinin işinin, şərti hökmlərin və azadlıqdan məhrumetmə ilə bağlı olmayan cinayət cəzalarının icra edilməsi metodlarının, vaxtından əvvəl şərti azadlığa buraxılmış şəxslərə nəzarətin təmin edilməsinin, təcrübə iştirakçıları üçün reabilitasiya proqramlarının təşkilinin və s. müzakirəsini əhatə edib.

Konfransda Azərbaycanı Penitensiar Xidmətin 4 əməkdaşı və hüquq müdafiəçiləri Eldar Zeynalov, Zəliha Tahirova və Kamil Səlimovdan ibarət nümayəndə heyəti təmsil edib. Qeyd edək ki, bu ilin mart ayında PRİ Gürcüstanın müvafiq xidmətinin nümunəsi ilə Bakıda təcrübə xidmətlərinin işi üzrə seminar keçirib.

Azərbaycanda təcrübənin vəziyyətini şərh edən Azərbaycan Hüquq Müdafiə Mərkəzinin direktoru Eldar Zeynalov qeyd edib ki, bu günə təcrübə xidmətinin funksiyaları ölkənin bir neçə idarəsi arasında bölünüb.

"Hələ bir neçə il bundan əvvəl həbsdə azad edilənlərin sosial readaptasiyası haqqında qanun qəbul edilib. Amma qanunda nəzərdə tutulan həbsdən azad edilənlər üçün xüsusi mərkəzlərin yaradılması hansısa səbəblərdən gecikdirilir. Nəticədə Azərbaycan bu məsələdə öz qonşularından, xüsusən Gürcüstandan geri qalır. Ümid edirəm ki, bu cür konfranslar bunu aradan qaldırmağa kömək edəcək", deyə o bildirib. -0-