Azərbaycan məktəblərində son zəng səsləndi

Bu gün Azərbaycanın ümumtəhsil məktəblərində son zəng səslənib. Rəsmi məlumatlara görə, bu il 11-ci sinfi 91 484 nəfər bitirib, bu, ötən ilə nisbətən bir qədər azdır (92 178). 

Məktəblərdə saat 10.00-dan 13.00-a qədər son zəng tədbirləri keçirilib.

Eyni zamanda, Təhsil Nazirliyi xəbərdarlıq edib ki, məktəblərdən kənarda keçirilən şənliklər zamanı şagirdlərin təhlükəsizliyinə görə məsuliyyət valideynlərin üzərinə qoyulur.

Polis gücləndirilmiş iş rejiminə keçirilib.

Qeyd edək ki, hələ Sovet dövründən etibarən belə bir təcrübə yaranıb ki, bir qrup məzun başqa məktəblərdən olan həmyaşıdlarını dairəyə alaraq, mahnı oxumağı, rəqs etməyi və ya şeir söyləməyi tələb edirlər. Lakin bu əyləncələr çox vaxt münaqişələrə, davalara, bıçaqlaşmaya gətirib çıxarıb.

Bununla əlaqədar olaraq Təhsil Nazirliyi israrla “son zəng” tədbirlərini məktəb hüdudları daxilində məhdudlaşdırmağı tövsiyə edib. -06D-