Azərbaycan mətbuatının xarab olmuş telefonu
Müdafiə naziri Zakir Həsənov yaşayış məntəqələrinin ermənilər tərəfindən atəşə tutulması halında atıcı silahların əhatə dairəsindən uzaq olan düşmən mövqelərinə, erməni əhalinin sıx yerləşdiyi yaşayış məntəqələrinə və oradakı hərbi obyektlərə Azərbaycan ordusunun sərəncamındakı iriçaplı silahlardan dərhal zərbə endirilməsi barədə xüsusi tapşırıq verib. Bu ciddi məlumatı bu gün bir sıra ölkə KİV-ləri bir-birinə istinadla yayıb.
Belə ki, musavat.com saytı salamnews-a istinadla bildirib ki, Ermənistan silahlı bölmələrinin iyulun 13-də gecə açdığı atəş nəticəsində Tovuz rayonunun (Bakıdan 424 kilometr qərb) Ermənistanla təmas xətində yerləşən Əlibəyli kəndində iki azyaşı olmaqla 3 nəfər mülki sakini yaralanıb.Belə ki, həyətdə olarkən qəfildən açılan atəş 12 yaşlı Nərmin, onun 8 yaşlı qardaşı Tuncay Xanbabayevə və 44 yaşlı Durdanə Nağıyevaya dəyib. Hər üç şəxs rayon xəstəxanasına yerləşdirilib, onların vəziyyəti kafidir.
APA agentliyi yazır ki, müdafiə naziri Həsənov ermənilərin Azərbaycanın yaşayış məntəqələrinə açdığı atəşə cavab atəşi açmaq əmri verib.
Maraqlıdır ki, Müdafiə Nazirliyinin bununla bağlı rəsmi məlumatı olmayıb.
Hərbi idarənin mətbuat xidmətində belə bir əmrin olub-olmadığını aydınlaşdırmaq cəhdi nəticə verməyib.
Azərbaycan DİN öz xronikasında aşağıdakı məlumatı yerləşdirdikdən sonra vəziyyət daha maraqlı hal alıb:
“İyulun 13-də Tovuz rayonunun Əlibəyli kəndində yaşayan İslam Xanbabayevin həyətində tikinti işləri aparılarkən onun qonağı, Bakı şəhər sakini Tuncay Xanbabayevin tapdığı iriçaplı patron partlamışdır. T.Xanbabayev, bacısı Nərmin və qohumu Dürdanə Nağıyeva xəsarət almış və xəstəxanaya yerləşdirilmişlər”. -03B-
-
- Cəmiyyət
- 14 İyul 2015 17:44
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz