Azərbaycan Müdafiə Nazirliyi müddətdən artıq hərbi xidmətə qəbul elan edib

Azərbaycan Müdafiə Nazirliyi müddətdən artıq hərbi xidmətə qəbulla bağlı qaydaları açıqlayıb. Bu, “müddətdən artıq hərbi xidmət keçmək istəyən

vətəndaşlardan daxil olan çoxsaylı müraciətlər nəzərə alınmaqla edilib”, - məlumatda deyilir.

Müddətdən artıq həqiqi hərbi xidmət keçmək istəyən hərbi vəzifəlilər xidmət keçmək istədikləri hərbi hissələrin komandanlığına və ya Silahlı Qüvvələrin Təlim və Tədris Mərkəzinə  müraciət edə bilərlər.

Müddətdən artıq hərbi xidmətə həqiqi hərbi xidməti keçmiş,  ən azı ümumi orta təhsili olan 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar könüllü daxil ola bilər.

Müddətdən artıq həqiqi hərbi xidmət hərbi qulluqçularının hazırlığı kursu hər ilin yanvar, aprel, iyul və oktyabr aylarında mərkəzləşdirilmiş şəkildə ya Silahlı Qüvvələrin Təlim və Tədris Mərkəzində keçirilir.

Namizəd peşə-psixoloji seçim komissiyasından keçməlidir. Həmçinin namizədin fiziki hazırlığı, ümumi bilik səviyyəsi, məntiqi mühakimə, qərar qəbuletmə, düşünmə qabiliyyəti, peşə maraqları, ixtisas hazırlığı, ünsüyyət yaratmaq bacarığı, fərdi-psixoloji və digər keyfiyyətləri öyrənilir.

Kursa təqdim olunan namizəd Müdafiə Nazirliyinin hərbi həkim komissiyasında tibbi müayinədən keçərək onun xidmətə yararlılıq dərəcəsi müəyyən edilir.

İmtahanları müvəffəqiyyətlə vermiş namizədlər müddətdən artıq həqiqi hərbi xidmət hərbi qulluqçularının hazırlığı kursuna (4-8 həftəlik) qəbul edilirlər.

Müddətdən artıq həqiqi hərbi xidmətə qəbul olunmaq üçün təqdim olunan sənədlərin siyahısı:

- komanda üzrə raport (ərizə);

- tərcümeyi-hal;

- təhsil haqqında sənədin surəti;

- doğum haqqında şəhadətnamənin surəti;

- nikah haqqında şəhadətnamənin surəti (evlidirsə);

- uşaqların doğum haqqında şəhadətnamələrinin surəti (uşaqları varsa);

- xidmət (iş və ya təhsil) yerindən xidməti xasiyyətnamə (işləyirsə);

- yaşayış yerindən və ailə tərkibi haqqında arayış;

- məhkumluğun olub olmaması barədə "ASAN xidmət" Mərkəzləri tərəfindən verilmiş arayış;

- ehtiyatda olan əsgər və çavuşlar üçün hərbi biletin surəti; 

-şəxsiyyət vəsiqəsinin surəti;

- sağlamlıq haqqında arayış (forma 7) (yalnız Müdafiə Nazirliyinin Mərkəzi Hərbi Poliklinikasından verilmiş).

Əlaqə üçün telefon nömrələri:

(012) 538-85-62

(012) 538-54-83

(012) 539-55-19