![Azərbaycan pasport indeksində 80-ci yerə enib](https://turan.az/resized/750/500/resize/media/2021/main/070600035264.jpg)
Azərbaycan pasport indeksində 80-ci yerə enib
Bakı/06.07.21/Turan: İyulun 6-da Henley & Partners şirkəti müxtəlif ölkələrin pasport reytinqini əks etdirən ənənəvi dünya pasport nndeksini dərc edib.
Son məlumatlara görə, səyahətlərə faktiki çıxışı olan pasportların nəzəri imkanları koronavirus pandemiyası səbəbindən əhəmiyyətli dərəcədə azalıb.
Belə ki, Avropa İttifaqı ölkələrində turizm 90 faiz azalıb. Bir sıra ölkələr sərhədləri bağlı saxlamağa davam edirlər.
Yaponiya pasportu İndeksdə birinci yeri saxlayır, bu o deməkdir ki, Yaponiya vətəndaşlarına dünyanın 193 ölkəsinin sərhədləri açıqdır.
Sinqapur 192 ölkəyə vizasız giriş ilə ikinci yerdə qalır, Cənubi Koreya və Almaniya 191 istiqamətə vizasız gediş ilə üçüncü yeri bölürlər. Lakin koronavirusla bağlı karantininə görə Yaponiya pasportlarının sahibləri 80-dən az istiqamətə çıxış əldə edə bilərlər, Sinqapur pasportları isə 75 istiqamətə çıxışa malikdirlər.
Azərbaycan başqa ölkələrin mövqelərində dəyişikliklər səbəbindən 74-cü yerdən 80-ci yerə enib. Hesabat dövründə ölkə vizasız gediş-gəliş haqqında müqavilə bağlamayıb. Azərbaycan pasportunun sahibləri dünyanın 68 ölkəsində vizasız hərəkət edə bilərlər.
Gürcüstan pasportu İndeksdə 54-cü, Ermənistan pasportu isə 84-cü yeri tutub.
Ekspertlər hesab edirlər ki, qlobal mobillik ən azı 2021-ci il ərzində ciddi şəkildə məhdudlaşdırılacaq ki, bu da dünya iqtisadiyyatına ciddi təsir göstərəcək, insanların imkanlarını xeyli azaldacaq. -02D-
-
- İqtisadiyyat
- 6 İyul 2021 12:05
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz