Bakı/03.06.22/Turan: İyunun 3-də Gəncə Apellyasiya Məhkəməsi Xalq Cəbhəsi Partiyasının fəalı Razi Alışovun həbsilə bağlı şikayəti təmin etməyib. Üstəlik, istintaq ona qarşı ittihamı ağırlaşdırıb.
Belə ki, öncə onu Cinayət Məcəlləsinin 234.2-ci maddəsi (satış məqsədilə narkotik maddələrin qanunsuz əldə edilməsi və ya saxlanılması) ilə ittiham ediblər. İndi ittiham 234.4.3-cü maddəyə (satış məqsədilə külli miqdarda narkotik maddənin qanunsuz əldə edilməsi və ya saxlanılması) tövsif edilib.
Əgər əvvəl onu 3 ildən 7 ilədək azadlıqdan məhrumolunma gözləyirdisə, indi bu müddət 5 ildən 12 ilədək olub.
Məhkəmədə Alışov polisdəki işgəncələrdən də şikayət edib. Fəal bildirib ki, döyüldükdən sonra sol qulağı pis eşitməyə başlayıb.
Məhkəmənin binası qarşısında Azərbaycan Xalq Cəbhəsi Partiyasının fəalları müstəntiqdən təqsirləndirilən şəxsə qarşı zorakılığın səbəblərini soruşublar. Müstəntiq zorakılıq faktını rədd edərək deyib ki, "ona işgəncə verməyiblər, bəlkə ağacdan düşüb?»
Azərbaycan Xalq Cəbhəsi Partiyasında hesab edirlər ki, Alışov siyasi fəaliyyətinə və sosial şəbəkələrdə hakimiyyəti tənqid etdiyinə görə təqib olunur. –06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz