Azərbaycan yığması məğlubiyyətsiz oyunları davam etdirir

Azərbaycanın futbol üzrə yığma komandası sentyabrın 3-də Avro-2016 seçmə matçında Horvatiya milli komandası ilə 0:0 hesabla oynayıb. Nəzərə alsaq ki, hazırda Horvatiya təkcə “H” qrupunun lideri deyil, həm də Avropada ən güclü komandalardan biridir, onda bu nəticəni sensasiya hesab etmək olar.

Matç zamanı ən çox Horvatiya komandası hücum edib. Lakin son anda ya horvatiyalılarda dəqiqlik çatmayıb, ya da azərbaycanlı qolkiper Kamran Ağayev ümidləri doğruldub.

İkinci hissədə horvatiyalıların qapısı önündə bir neçə təhlükəli məqam yaranıb.

Matçın sonunda horvatiyalılar  Azərbaycan komandasının qapısına hücuma keçsələr də uğur qazana bilməyiblər.

Qeyd edək ki, Azərbaycan yığması indiki seçmə silsiləsinə çox uğursuz başlamışdı. Azərbaycanlı futbolçular Bakıda 1:2 hesabı ilə Bolqarıstana məğlub olmuşdular. Həmin hesabla İtaliyaya məğlub olmuşdular. Horvatiyada 0:6, bundan sonra isə Norveçə 0:1 hesabı ilə  məğlub olmuşdular.  Bu məğlubiyyətlərdən sonra istefaya gedən Berti Foqtsdan sonra horvatiyalı mütəxəssis Robert Prosineçki Azərbaycan yığmasının baş məşqçisi təyin edilib.

Onun gəlişindən sonra üçüncü matçdır ki, Azərbaycan məğlub olmur və qol buraxmır.

Belə ki, Azərbaycan yığması Bakıda Maltaya 2:0 hesabı ilə qalib gəlib, Osloda Norveç komandası ilə heç-heçə oynayıb.

Horvatiya ilə heç-heçədən sonra Azərbaycan yığmasının 5 xalı var. Horvatiya 15 xalla liderliyi saxlayıb. Azərbaycan yığması növbəti matçı br neçə gündən sonra Maltada keçirəcək.–06D--